სხვა სახელი: ჩუბჩიკა დაბადების თარიღი: 10 თებერვალი, 1934 გარდაცვ. თარიღი: 1 იანვარი, 2008 (73 წლის ასაკში) დაბადების ადგილი: დაბა მესტია. დაამთავრა თბილისის სამხატვრო აკადემიის თეატრალურ-დეკორაციული ფერწერის ფაკულტეტი 1958 წელს. 1961 წლიდან მუშობდა თბილისის სამხატვრო აკადემიის ხატვის კათედრაზე პედაგოგად; 1972-2004წწ. ბავშვთა სურათების გალერეაში; მხატვრის პატარა ზომის ჟანრული სურათები კარგად გადმოსცემს ადამიანისა და ბუნების ჰარმონიულ კავშირს. ნამუშევრები: “მწყემსები” (1966), “ქალის პორტრეტი” (1966), “სოფლის დღესასწაული” (1964), სერია “თუშეთი” (1957-1967) და სხვ., ავტორია 150-მდე წიგნის ილუსტრაციის, მათ შორის: ილია ჭავჭავაძის, ვაჟა ფშაველას, გიორგი ლეონიძის, რევაზ ინანიშვილის, გიორგი ცოცანიძის, მიხო მოსულიშვილის, ხალხური პოეზიისა და ზღაპრების კრებულის; მისი მონაწილეობით მომზადდა და დაიბეჭდა “გალაკტიონოლოგიის” ორი წიგნი; არის ეთერ თათარაიძის წიგნის “ჩამომიარ საწუთრომ…” (1998) – რედაქტორი, წიგნის “შენდობით მომიხსენიეთ” – რედაქტორი და მხატვარი; მისი სურათების გამოფენა მოეწყო: გერმანიაში (1985, 1989), კანადაში (1987), ავსტრიაში (1988), საფრანგეთში (1997-1998); მხატვრის ნამუშევრები დაცულია: საქართველოს ეროვნული მუზეუმში, აღმოსავლეთის ხალხთა ხელოვნების მუზეუმში (მოსკოვი), სახელმწიფო გალერეაში (მოსკოვი), უზბეკეთის ხელოვნების მუზეუმში, საქართველოსა და საზღვარგარეთის ქვეყნების კერძო კოლექციებში. ფერმწერი, გრაფიკოსი, თეატრის მხატვარი. საქართველოს სახალხო მხატვრის რევაზ მირზაშვილისა და საქართველოს ხელოვნების დამსახურებულო მოღვაწის სოფიო მირზაშვილი-ლემბერგის შვილი. წყარო: