დაბადების თარიღი: 12 ოქტომბერი, 1942 (79 წლის)

დაბადების ადგილი: ქ. თბილისი.

დაამთავრა თბილისის სახელმწიფო სამხატვრო აკადემიის გრაფიკის ფაკულტეტი 1969 წელს.

1968-2000წწ. საქართველოს სახელმწიფო ტელევიზია; 1982-1993წწ. ტელევიზიის მთავარი მხატვარი; 1972-1975წწ. თბილისის სახელმწიფო სამხატვრო აკადემია, გრაფიკის კათედრაზე პედაგოგი, ასევე თბილისის სახელმწიფო უნივერსიტეტის სახვითი ხელოვნების ფაკულტეტზე პედაგოგი. 2000 წლიდან თბილისის სახელმწიფო სამხატვრო აკადემია, კინო-ტელე სახელოსნოში პედაგოგი. აქტიურად მუშაობს წიგნის გრაფიკაში. მხატვრულად გაფორმებული აქვს ვაჟა-ფშაველას, გიორგი ლეონიძის, გოდერძი ჩოხელის, გივი ჭიჭინაძის, ჰენრიკ იბსენის, მატი უნტის, გაბრიელ გარსია მარკესის წიგნები; დახატული აქვს ქართული და გერმანული ზღაპრები; თანამშრომლობს ჟურნალებთან: "ჩვენი მწერლობა", "დილა"; არის ჟურნალ "ნიანგის" მხატვრული რედაქტორი; მუშაობს საყმაწვილო ენციკლოპედიის "ქართული მწერლობის" სამტომეულზე. 1968 წლიდან სისტემატიურად მონაწილეობს გამოფენებში. კინოსა და ტელევიზიის მხატვარი, გრაფიკოსი.

წყარო: მალხაზ კუხაშვილი - ბიოგრაფიული ლექსიკონი (nplg.gov.ge)