დაბადების თარიღი: 9 მაისი, 1917
გარდაცვ. თარიღი: 25 ივლისი, 1994 (77 წლის ასაკში)
დაბადების ადგილი: სოფელი მირზაანი, დედოფლისწყაროს რაიონი.
დაამთავრა თბილისის სახელმწიფო აკადემია 1941 წელს.
მისი პირველი გაფორმებული სპექტაკლი იყო ვ. შალიკაშვილის "უნიადაგონი" გორის დრამატულ თეატრში 1940 წელს. ფ. ლაპიაშვილს გაფორმებული აქვს 108 დრამატული, საოპერო, საბალეტო და მუსიკალური კომედიის სპექტაკლი. ქართული სპექტაკლები, მათ შორის, ბალეტები: დ. თორაძე "გორდა" (1949, პრემიერა), დ. თორაძე "მშვიდობისათვის" (1952, პრემიერა), ფ. ღლონტი "განთიადი" (1967, პრემიერა); ოპერები: ა. ბუკია "არსენა"(1958, პრემიერა), ო. თაქთაქიშვილი "მინდია" (1961, პრემიერა); მუსიკალური კომედიები: შ. მილორავა "საყვარელი დისშვილი" (1955, პრემიერა), "სიმღერა თბილისზე" (1958, პრემიერა, 1969, II რედაქცია), "უცნაური სტუმრები"(1960, პრემიერა), ვ. კურტიდი "ჯერ დაიხოცნენ, მერე იქორწინეს" (1959, პრემიერა), ა. ჩიმაკაძე "მაია წყნეთელი"(1985, პრემიერა); სხვა სპექტაკლები: ვერდი "ოტელო" (1979, თბილისი), სოფოკლე "ანტიგონე" (1965, კიევი, 1968, ლენინგრადი), გუცკოვი "ურიელ აკოსტა" (1967, კიევი), ბრეხტი "სამგროშიანი ოპერა"(1967, კიშინიოვი, თბილისი); სპექტაკლები თბილისის შ. რუსთაველის სახელობის თეატრში: სოფოკლე "ოიდიპოს მეფე" (1956), შექსპირი "ჰამლეტი"(1960), ნახუცრიშვილი "ფიროსმანი" (1962); სპექტაკლები თბილისის კ. მარჯანიშვილის სახელობის თეატრში: ჯაფარიძე "ჟამთაბერის ასული" (1945), გოთუა "დავით აღმაშენებელი" (1946), კასონა "ხეები ზეზეულად კვდებიან"(1957), შილერი "დონ კარლოსი" (1970), სპექტაკლები ქუთაისის თეატრში: ვაჟა–ფშაველა "მოკვეთილი" (1958), კაკაბაძე "ყვარყვარე თუთაბერი" (1959). ფ. ლაპიაშვილს აგრეთვე გაფორმებული აქვს კინოფილმები: "ქეთო და კოტე"(1948, ი. სუმბათაშვილთან ერთად), "მაგდანას ლურჯა" (1955, ი. სუმბათაშვილთან და სხვებთან ერთად), "ცისკარა"(1955, ი. სუმბათაშვილთან ერთად), "რაც გინახავს ვეღარ ნახავ" (1965), "მიიღეთ გამოწვევა სინიორებო" (1982), "ცხოვრება დონ კიხოტის და სანჩოსი" (1989), "ზმანებანი აღლუმებს შორის" (1989) და სხვა. აღსანიშნავია ხელოვანის პედაგოგიური მოღვაწეობაც. მისი ხელმძღვანელობით აღიზარდნენ მხატვარ - დეკორატორების მთელი თაობები. 1970 წლიდან სიცოცხლის ბოლომდე იყო თბილისის სახელმწიფო აკადემიის პედაგოგი, თეატრალურ–დეკორაციული სახელოსნოს ხელმძღვანელი. მიღებული აქვს მრავალი სახელმწიფო ჯილდო.
წყარო: http://www.nplg.gov.ge/bios/ka/00007195/