დაბადების თარიღი: 5 ნოემბერი, 1938 (85 წლის)

დაბადების ადგილი: ქ. თბილისი.

დაამთავრა საქართველოს ტექნიკური უნივერსიტეტი 1961 წელს და ვანო სარაჯიშვილის სახელობის თბილისის სახელმწიფო კონსერვატორია 1973 წელს.

1963–1964წწ. იყო კიევის მექანიკური ქარხნის მთავარი ინჟინერი; 1964–1968წწ. უკრაინული საესტრადო ორკესტრის “დნიპრო” სამხატვრო ხელმძღვანელი; 1968–1970წწ. საქართველოს სახელმწიფო ტელევიზიისა და რადიოს საესტრადო ორკესტრის სამხატვრო ხელმძღვანელი და მთავარი დირიჟორი; 1970–1972წწ. საქართვლოს სახელმწიფო ფილარმონიასთან არსებული ვოკალურ ინსტრუმენტული ანსამბლის “ოროველა” სამხატვრო ხელმძღვანელი; 1972–1974წწ. უკრაინის სახელმწიფო ტელევიზიისა და რადიოს საესტრადო–სიმფონიური ორკესტრის მთავარი დირიჟორი; 1974–1979წწ. საქართველოს სახელმწიფო საესტრადო ორკესტრის “რერო” სამხატვრო ხელმძღვანელი და მთავარი დირიჟორი; 1979–1983წწ. საქართველოს სახელმწიფო ტელევიზიისა და რადიოს საესტრადო–სიმფონიური ორკესტრის მთავარი დირიჟორი; შექმნილი აქვს ნაწარმოებები საესტრადო–სიმფონიური ორკესტრისათვის რომლებსაც ასრულებდნენ სხვადასხვა ქვეყნის საესტრადო კოლექტივები; ნაწარმოებები: “ქართული ესკიზები”, “ოდა საქართველოზე”, “სინთეზი” (საესტრადო ორკესტრისათვის), სიუიტა “ჩემი მზე” (საესტრადო ანსამბლისათვის), პიესები “სახლი ზღვასთნ”, “მოგონებანი”, “საქორწინო საჩუქარი”, “ღამის ქალაქი”; საესტრადო სიმღერები – “შენ”, “ჩემი საქართველო” (სიტყვები მ. ფოცხიშვილის), “სიმღერა მზეს” (სიტყვები რ. ებრალიძის); ჩანაწერები ფირფიტებზე.

წყარო: გივი გაჩეჩილაძე – ბიოგრაფიული ლექსიკონი (nplg.gov.ge)