დაბადების თარიღი: 2 მაისი, 1937
გარდაცვ. თარიღი: 2 სექტემბერი, 2007 (70 წლის ასაკში)

დაბადების ადგილი: ქ. თბილისი.

დაამთავრა თბილისის II მუსიკალური სასწავლებელი 1955 წელს, ვანო სარაჯიშვილის სახელობის თბილისის სახელმწიფო კონსერვატორია(ვიოლონჩელო), ლენინგრადის კონსერვატორია(სადირიჟორო).

სწავლის პერიოდში საქართველოს ტელერადიო სიმფონიურ ორკესტრში(დირიჟორი ლ. კილაძე) იყო ვიოლონჩელოს ჯგუფის კონცერტმაისტერი; 1963 წელს ჩაირიცხა ლენინგრადის კონსერვატორიაში, პედაგოგი ნ. რაბინოვიჩი(დირიჟორობა); სწავლის პერიოდში იყო ლენინგრადის ოპერისა და ბალეტის მცირე აკადემიური თეატრის სტაჟიორი(ხელმძღვანელი დირიჟორი ი. ტემირკანოვი); ლენინგრადში უდირიჟორა: დონიცეტი “სიყვარულის ნექტარი”, კოვალი საბავშვო ოპერა “მგელი და შვიდი თხა”, ობერი “შავი დომინო”, მოცარტი “ფიგაროს ქორწინება”; სამშობლოში დაბრუნებისთანავე, 1965 წელს შედგა დებიუტი: ბიზე “კარმენი”, ბრამსი IV სიმფონია, სიბელიუსი ვიოლინოს კონცერტი, ვაგნერი უვერტიურა “რიენცი”; 1969–1976წწ. იყო ვ. სარაჯიშვილის სახელობის თბილისის სახელმწიფო კონსერვატორიის პედაგოგი(საოპერო მომზადების კათედრა) და საქტელერადიოს სიმფონიური ორკესტრის, თბილისის მუსკომედიის თეატრის დირიჟორი; ერთხანს მუშაობდა თბილისის III მუსიკალურ სასწავლებელში პედაგოგად(საოპერო კლასის დირიჟორი); ქართული რეპერტუარი: მრავალი ქართველი კომპოზიტორის საორკესტრო, სიმფონიური, საკონცერტო ნაწარმოების პირველი შემსრულებელი, მათ შორის, სიმფონიები: გუდიაშვილი N3, ნ. მამისაშვილი სურათი “ყინულის ობელისკი”, საზეიმო უვერტიურა, “მომღერალი ხეობა”, შ. მშველიძე “ვეფხი და მოყმე”, N6 “შატილიონი”, კ. როსებაშვილი “სამი ეპიგრაფი”, ა. ჩიჩბა “სიმფონიური პოემა “აბრსკილ”, მ. დიაკვნიშვილი “ლირიკული სიუიტა”, ა. ბასკაკოვი “ყამირი”, ზ. ხაბალოვა “3 სიმფონიური სურათი”, გ. ბზვანელი “ხსოვნა გულისა”; ინსტრუმენტული კონცერტები: რ. ალიბეგაშვილი ტრომბონის, გ. ჯაფარიძე კონცერტი დასარტყამ საკრავიერი და სიმებიანი ორკესტრისათვის(1988), ნ. გიგაური სავიოლინო(1977), ა. აზარაშვილი საყვირის(1978), შ. დავითაშვილი კლარნეტის N2(1978), N3(1979), ვ. კურტიდი ვიოლინოს N3(1979); კანტატა: გრ. კოკელაძე “კანტატა საქართველოზე”; ქართული სპექტაკლები: მუსიკალური კომედია გ. ცაბაძე “კურკას ქორწილი”, ა. შავერზაშვილი “ცეცხლოვანი წლები”(1978).

წყარო: სპარტაკ კორკოტაშვილი – ბიოგრაფიული ლექსიკონი (nplg.gov.ge)