დაბადების თარიღი: 21 თებერვალი, 1940 (82 წლის)

დაბადების ადგილი: ქ. თბილისი.

დაამთვრა თბილისის სახელმწიფო კონსერვატორიის საშემსრულებლო ფაკულტეტი 1963 წელს; 1968 წელს საკომპოზიციო ფაკულტეტი; 1974 წელს ქ. ლენინგრადის კონსერვატორიის სადირიჟორო ფაკულტეტი.

1959-1969წწ. იყო საქართველოს სახელმწიფო სიმფონიური და კამერული ორკესტრის მსახიობი; 1969-1984წწ. თბილისის I სამუსიკო სასწავლებლის პედაგოგი; 1976-1985წწ. ანსამბლ “თბილისის კამერატას” დამაარსებელი და მთავარი დირიჟორი; 1984 წლიდან კონსერვატორიის დოცენტია; 1988 წლიდან კამერული ორკესტრის “თბილისის კონცერტინოს” დამაარსებელი და მთავარი დირიჟორი. შექმნილი აქვს სიმფონიური, კამერული და საგუნდო ნაწარმოებები. ატარებს კონცერტებს საქართველოში და საზღვარგარეთ.

წყარო: შავლეგ შილაკაძე – ბიოგრაფიული ლექსიკონი (nplg.gov.ge)