დაბადების თარიღი: 24 დეკემბერი, 1912
გარდაცვ. თარიღი: 21 დეკემბერი, 1971 (58 წლის ასაკში)

დაბადების ადგილი: დაბა ღუნიბი, დაღესტანი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1934 წელს, მოსკოვის სახელმწიფო კონსერვატორია 1939 წელს.

1940–1944წწ. ასწავლიდა პოლიფონიას ვ. სარაჯიშვილის სახელობის თბილისის სახელმწიფო კონსერვატორიაში; 1940–1946წწ. იყო კ. მარჯანიშვილის სახელობის დრამატული თეატრის მუსიკალური ნაწილის გამგე, 1953–1971წწ. კინოსტუდია “ქართული ფილმის” მუსიკალური რედაქტორი; იგი 17 წლის სტუდენტი იყო, როცა საოპერო თეატრის კონცერტმაისტერი გახდა; 16-17 წლის ასაკში მან უკვე შექმნა ორი ცეკვა — “ფარიკაობა” და “მთიულური”, რაზეც მაღალი შეფასება მიიღო თვით ზაქარია ფალიაშვილისგან; მას შექმნილი აქვს: ოპერა “ბაში–აჩუკი” (1945), ბალეტი “ნაზიბროლა” (1947), მუსიკალური კომედიები: “თბილისის ცის ქვეშ” (1949), “მთვარიდან დაბრუნება” (1963), “ალუბლის ყვავილობა”(1965), სიმფონია (1940), ორი საფორტეპიანო კონცერტი (1941, 1949), მუსიკა სპექტაკლებისათვის: “სოლომონ ისაკიჩ მეჯღანუაშვილი”, “მეფე ერეკლე”, “ძველი ვოდევილები” (კ. მარჯანიშვილის სახელობის დრამატული თეატრის დადგმები), მას ეკუთვნის მუსიკა კინოფილმებისათვის: “ქეთო და კოტე”(1948, რედაქცია და რამდენიმე ორიგინალური ნომერი), “ბედნიერი შეხვედრა” (1949), “გაზფხული საკენში” (1950), “მაგდანას ლურჯა” (1955), “ჩვენი ეზო” (1956), “ფატიმა”(1958), “სხვისი შვილები” (1958), “მე, ბებია, ილიკო და ილარიონი” (1962), “დიდოსტატის მარჯვენა” (1969); კომპოზიტორი, პიანისტი, პედაგოგი.

წყარო: არჩილ კერესელიძე – ბიოგრაფიული ლექსიკონი (nplg.gov.ge)