ოფიციალური სახელი: გურამ ტყეშელაშვილი
სხვა სახელი: ბზვანელი (ფსევდონიმი)
დაბადების თარიღი: 3 აგვისტო, 1934
გარდაცვ. თარიღი: 17 მაისი, 2015 (80 წლის ასაკში)
დაბადების ადგილი: ქ. თბილისი.
დაამთავრა საქართველოს პოლიტექნიკური ინსტიტუტი 1959 წელს, 1966 წელს თბილისის სახელმწიფო კონსერვატორია.
1967–1977წწ. იყო თბილისის მოსწავლე ახალგაზრდობის სასახლის სამუსიკო ნაწილის ხელმძღვანელი; 1975–1987წწ. თბილისის მინიატურების სახელმწიფო თეატრის სამუსიკო ნაწილის გამგე, 1987 წლიდან თბილისის მე–3 სამუსიკო სასწავლებლის დირექტორი. 1955 წელს საქართველოს პოლიტექნიკური ინსტიტუტის საესტრადო ორკესტრთან ჩამოაყალიბა ვოკალური კვარტეტი. არის სტუდენტი ახალგაზრდობის VI მსოფლიო ფესტივალის ლაურეატი (1957), თბილისის ერთგულების მედლის კავალერი (2002), მრავალი საესტრადო სიმღერის ავტორი. დაწერილი აქვს სავიოლინო კონცერტი, სიმფონია, სიმფონიური მინიატურები, კამერულ–საკრავიერი და საგუნდო ნაწარმოებები, თეატრისა და კინოს მუსიკა.