დაბადების თარიღი: 6 ოქტომბერი, 1968 (56 წლის)

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი 1992 წელს.

1974-1982წწ. უკრავდა ანსამბლ “ნერგებში”; 1986 წლიდან მოღვაწეობს როგორც პიანისტი, კომპოზიტორი, პროდიუსერი; 1989 წელს ჩამოაყალიბა ჯაზ-სეპტეტი, რომელიც ასრულებდა მის კომპოზიციებს, 1989-1993წწ. ფოლკ-ჯაზ ჯგუფის “ადიოს” წევრი, პარალელურად ჩამოაყალიბა ვოკალურ-ინსტრუმენტული ჯაზ-კვარტეტი “ზაზა მარჯანიშვილის კვარტეტი”(პ. ანდრიაძე – ბასი, მ. ღაღანიზე – სხვადსხვა სახეობის ინსტრუმენტი და ვოკალი, დ. ინასარიძე – დასარტყამი, ზ. მარჯანიშვილი – კლავიშიანი ინსტრუმენტი); 1994 წლიდან მოღვაწეობდა აშშ-ში, სადაც 1994 წელს დააარსა “ზაზა ჯგუფი”, ამავე წელს “ZAZA-JAZZ STUDIOS”; 1996-2002წწ. მუშაობდა ჰოლივუდში “GOLD-MORE PRODUCTIONS” და “OMICRON PRODUCTIONS”; მონაწილეობდა: ნიუ-ორლეანის, ლოს-ანჯელესის ფესტივალებში საავტორო კონცერტებით, ასევე, მოსკოვში, პეტერბურგში, ვენაში; როგორც პროდიუსერს გამოცემული აქვს 150-ზე მეტი ალბომი; მისი მუსიკა სრულდება საქართველოში, ევროპასა და აშშ-ში; თხზულებები: მუსიკა მხატვრული კინო-ფილმებისათვის: “ზნედაცემული ანგელოზი”(1993, ე. აბულაძესთან ერთად, რეჟისორი მ. კიკალეიშვილი), “ეჭვის ჩრდილი”(1998, “Shadow of doubt”, თანაკომპოზიტორი, აშშ, რეჟისორი რ. კლაისერი), “ქურდი”(2005, საქართველო, რეჟისორი ზ. მერაბიშვილი); მოკლემეტრაჟიანი: “ერთხელ გარიყულაში”(2014, რეიჟისორი ზ. მაღალაშვილი); ანიმაციური: “ტელეფონი”(1988, აშშ); ტელესერიალი: “ვარსკვლავების კარიბჭე”(1997), “შესაძლებლობის ზღვარს მიღმა”(1998); დოკუმენტური ფილმები: “North Africa”, “Egipt”, “Asia”, “Fang Shui”(5 სერია); მუსიკალური სპექტაკლები: ჩეხოვის პიესების კრებულის საღამო(2007, აშშ), “აჩრდილი”(2012, ლიტვა, აშშ-ს პროდუქცია), “კონკია”(2013, აშშ), “საზღვრები”(თბილისი, კ. მარჯანიშვილის სახელობის თეატრი); სარეკლამო რგოლები: (“Crysler”-ისათვის); თრეილერი: “რალი კოსმოსში”(1999), “ძველი დაფდაფის ამბავი”(2000); სან-ფრანცისკოში კომპანია “მედია-გრაალი”-ს ვებ-გვერდის კომპოზიტორი; კინოსა და თეატრის კომპოზიტორი, თანამედროვე კლასიკისა და ჯაზის მუსიკოსი.

წყარო: ზაზა მარჯანიშვილი – ბიოგრაფიული ლექსიკონი