დაბადების თარიღი: 18 თებერვალი, 1950 (73 წლის)
დაბადების ადგილი: სოფელი კონჭკათი, ოზურგეთის რაიონი.
დაამთავრა ქ. სოხუმის მუსიკალური სასწავლებელი, ვანო სარაჯიშვილის სახელობის თბილისის სახელმწიფო კონსერვატორია 1975 წელს(საკომპოზიციო).
ძირითადად მოღვაწეობს სასიმღერო ჟანრში; ფართო საზოგადოებამ გაიცნო სიმღერით “დეკემბერი, დეკემბერი”, რომელიც მისი სავიზიტო სიმღერა გახდა, 1982 წელს “წლის საუკეთესო სიმღერად” აღიარეს; ასევე ჰიტად იქცა სიმღერა “ქართველების ერთად ყოფნა, დამილოცე ღმერთო”, რომელითაც მომღერალმა ა. ნიჟარაძემ პირველი ადგილი და გრან-პრი მოიპოვა საქართველოში, პრაღასა და ტალინის საერთაშორისო კონკურსებზე; მისი სიმღერები ქართული ესტრადის წამყვანი მომღერლების რეპერტუარშია: ნ. ბრეგვაძე, თ. წიკლაური, ნ. აბესაძე, მ. სეფაშვილი, თ. თათარაშვილი, თ. ჭოხონელიძე, თ. გვერდწითელი, ზ. კობეშავიძე; ცნობილმა ინგლისელმა მომღერალმა, ტონი ომეილმა სიმღერა “ქართველების ერთად ყოფნა, დამილოცე ღმერთო” თავის რეპერტუარში შეიტანა და ქართულად მღერის; თხზულებები: სიმფონია “დიოსკურია”(1980, პირველი შესრულება), სიმღერები, მათ შორის: “ხმალი ავლესოთ ქართველებო”, “ოდესმე დიდი ყოფილა საქართველო”, “ვაზის სიმფონია”, “აღმაშენებელი თბილისს მობრძამდება”, “ქართველების ერთად ყოფნა, დამილოცე ღმერთო”, “ნუ მწერ”, “თბილისი იყო ურთიერთობა კეთილშობილთა ყრმათა”, “რა ცოტა წყალი ჰყოფნით იებს სიცოცხლისათვის”, “თქვენ ყველაფერი გშვენით”, “ჰიმნი ახალ სიცოცხლეს”, “დეკემბერი, დეკემბერი”; მათ შორის არაერთი წლის საუკეთესო სიმღერად იქნა აღიარებული; მუსიკა კინოფილმებისა და დრამატული თეატრისათვის.