დაბადების თარიღი: 27 მარტი, 1939
გარდაცვ. თარიღი: 24 მარტი, 2013 (73 წლის ასაკში)

დაბადების ადგილი: ქ. ოზურგეთი.

დაამთავრა თბილისის სახელმწიფო კონსერვატორიის სადირიჟორო ფაკულტეტი 1965 წელს.

1966 წლიდან მუშაობა დაიწყო მუსიკალურ-ქორეოგრაფიული საზოგადოების პრეზიდიუმში სხვადასხვა თანამდებობებზე; 1968 წლიდან ეწეოდა პედაგოგიურ მოღვაწეობას კონსერვატორიაში; 1972-1982წწ. საქართველოს კულტურის სამინისტროს მუსიკალურ დაწესებულებათა სამმართველოს უფროსი, სარეპერტუარო–სარედაქციო კოლეგიის მთავარი რედაქტორი; 1980-2007წწ. საგუნდო-სადირიჟორო კათედრის გამგე; მიღებული აქვს პრემია “წლის საუკეთესო კინომუსიკისთვის”, მიუზიკლი “არსენას ლექსი” (1985), პრემია “დრამატული სპექტაკლისთვის შექმნილი საუკეთესო მუსიკისთვის”, გრიგოლ რობაქიძის “ლამარა” განსახიერებული ქ. ბათუმის ი. ჭავჭავაძის სახელობის სახელმწიფო დრამატულ თეატრში, საქართველოს სამოციქულო ეკლესიის წმინდა გიორგის ოქროს ორდენი (2009). 2005-2013წწ. კულტურის მინისტრის მრჩეველი, შექმნილი აქვს როგორც დიდი, ისე მცირე ფორმის 350-ზე მეტი საგუნდო ნაწარმოები, საეკლესიო საგალობლები, მუსიკა დრამატული სპექტაკლების, კინოფილმებისა და მიუზიკლებისთვის.

წყარო: იოსებ კეჭაყმაძე – ბიოგრაფიული ლექსიკონი (nplg.gov.ge)