ოფიციალური სახელი: ევსევი ჭოხონელიძე
დაბადების თარიღი: 13 ივლისი, 1940
გარდაცვ. თარიღი: 12 მარტი, 2004 (63 წლის ასაკში)

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1967 წელს (თეორიულ–საკომპოზიციო).

1964 წლიდან იყო ვანო სარაჯიშვილის სახელობის თბილისის სახელმწიფო კონსერვატორიის ლაბორანტი, 1970 წლიდან პედაგოგი, 1977 წლიდან ხალხური მუსიკალური შემოქმედების კათედრის გამგე; 1974 წლიდან საქართველოს კომპოზიტორთა კავშირის ფოლკლორის კომისიის თავმჯდომარე; დაწერილი აქვს: “ქართული სიმღერების იმერულ–გურული ტოტი” (1967), “ინტერნაციონალური და ნაციონალური ქართულ ქალაქურ სიმღერებში” (1972), “ქართული ხალხური მრავალხმიანობის აკორდიკის საკითხები” (1972), “ინტერვალი კვარტა და მისი როლი კადანსში” (1981), “ქართული მრავალხმიანობის თვითმყოფად ბუნებაზე” (1982); ავტორია მრავალი საგაზეთო სტატიის და რეცენზიის.

წყარო: კუკური ჭოხონელიძე – ბიოგრაფიული ლექსიკონი (nplg.gov.ge)