დაბადების თარიღი: 17 იანვარი, 1941
გარდაცვ. თარიღი: 23 ნოემბერი, 1996 (55 წლის ასაკში)

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1964 წელს.

1959-1961წწ. იყო მუსიკის თეორიის საგნების პედაგოგი თბილისის მე–10 სამუსიკო სკოლაში, 1963–1964წწ. ასწავლიდა და ხელმძღვანელობდა თბილისის 64–ე ზოგადსაგანმანათლებლო სკოლის გუნდს, 1964–1970წწ. მუსიკის–თეორიის საგნებს ქ. რუსთავის I სამუსიკო სკოლაში, 1970 წლიდან თბილისის V სამუსიკო სკოლაში; 1975–1978წწ. კინოსტუდია “ქართული–ფილმის” მულტგაერთიანების მუსიკალური რედაქტორი; შექმნილი აქვს: სიმფონიეტა(1964), “ხუთი სურათი “ვეფხისტყაოსნიდან” კამერული გუნდის, არფის, ფორტეპიანოს, თორმეტი სიმებიანი ინსტრუმენტისა და ლიტავრისათვის(1965, ხუთ ნაწილად); სიუიტა სიმფონიური ორკესტრისათვის(1967, ხუთ ნაწილად), ტრიო სამი კლარნეტისათვის(1966, სამნაწილიანი), “ცხრა ესკიზი” ნონეტისათვის(1966), კვინტეტი ფორტეპიანოსათვის(1973), “საბავშვო ალბომი”(1967, თორმეტი საფორტეპიანო პიესა), “ეგზერსისი” ფორტეპიანოსათვის(1972), დიდი ქრომატიული ფანტაზია 3 ფორტეპიანოსათვის(1975), მუსიკა კინოფილმებისათვის.

წყარო: მიხეილ შუღლიაშვილი – ბიოგრაფიული ლექსიკონი (nplg.gov.ge)