დაბადების თარიღი: 3 თებერვალი, 1893
გარდაცვ. თარიღი: 1948 (54 წლის ასაკში)

დაბადების ადგილი: ქ. ქუთაისი.

დაამთავრა ქუთაისის ქალთა პირველი გიმნაზია 1906 წელს; 1923-1924 წლებში სწავლობდა მოსკოვის დრამატულ სტუდიაში.

1906 წელს მიწვეულ იქნა მსახიობად ქუთაისის თეატრში. აქედან მოყოლებული იგი განაგრძობდა სცენაზე მუშაობას საქართველოს სხვადასხვა თეატრებში: თბილისის(1907-1908 და 1913-1914), ქუთაისის(1908-1909, 1917-1918, 1925-1926), ჭიათურის(1909-1912), ბაქოს ქართულ(1915-1917, 1921-1922, 1933-1034), თბილისის მუშათა (1918-1920, 1927-1928), სოხუმის (1930-1931), მარჯანიშვილის(1934-1936), ბათუმის(1937-1938), რუსთაველის(1938-1948) თეატრებში. მის მიერ შესრულებული როლებიდან აღსანიშნავია: ზეინაბი(ალ. სუმბათაშვილის “ღალატი”), მარო(ი. შიუკაშვილის “სიმახინჯე”), თეკლე(ს. ჭანტურიშვილის “ბურჯი”), კატო(ტრ. რამიშვილის “მეზობლები”), კორნელა(მონტის “კაი გრაკხი”) და სხვ. მსახიობი ასევე მონაწილეობდა კინოფილმებში: “გიული”(1927), “ორი მონადირე”(1927), “ჯანყი გურიაში”(1928), “უგუბზიარა”(კონდრატის ცოლი, 1930). მანვე თარგმნა პიესები: გორკის “ეგორ ბულიჩოვი”, ჯეკ ლონდონის “მგლები”, სკრიბას “ქალთა ბრძოლა”.

წყარო: მარგარიტა ქილარჯიშვილი – ბიოგრაფიული ლექსიკონი (nplg.gov.ge)