ოფიციალური სახელი: ანა რაჭველიშვილი
დაბადების თარიღი: 28 ივნისი, 1984 (41 წლის)

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია (ვოკალური).

2006 წლიდან ზ. ფალიაშვილის სახელობის თბილისის ოპერისა და ბალეტის თეატრის სოლისტი; ლა-სკალას აკადემიის სტიპენდიანტი; დებიუტი ლა-სკალას სცენაზე – კარმენი (2009, ბიზე “კარმენი”, დირიჟორი დ. ბარენბოიმი); 2009 წლიდან მოღვაწეობს ევროპაში, გამოდის მსოფლიოს სხვადასხვა წამყვან საოპერო სცენებზე: მეტროპოლიტენი, ბერლინის, ბავარიის სახელმწიფო ოპერები, კარნეგი ჰოლი; რეპერტუარი: კარმენი (ბიზე “კარმენი”), ამნერისი, ფენენა, მადალენა (ვერდი “აიდა”, “ნაბუქო”, “რიგოლეტო”), ორფევსი (გლუკი “ორფევსი და ევრიდიკე”), ქერუბინო(მოცარტი “ფიგაროს ქორწინება”), დულსინეა(მასნე “დონ კიხოტი”), იზაბელა (როსინი “იტალიელი ქალი ალჟირში”), დალილა (სენ-სანსი “სამსონ და დალილა”), ოლგა (ჩაიკოვსკი “ევგენი ონეგინი”), კონჩაკოვნა(ბოროდინი “თავადი იგორი”), ლიუბაშა (რიმსკი-კორსაკოვი “მეფის საცოლე”), პრინცესა დე ბუიონი (ჩილეა “ადრიანა ლეკუვერი”); გამოდის სოლო კონცერტებით, ასრულებს ჯაზურ ვოკალურ კომპოზიციებს; გასტროლები: ევროპა, აშშ. 2005 წელს იყო საქართველოს პრეზიდენტის სტიპენდიანტი, მაყურებლის პრიზისა და II პრემის (2007, თბილისი), პაატა ბურჭულაძის სახელობის პრემიის (2007) მფლობელი, ლა სკალას აკადემიის საერთაშორისო კონკურსის ლაურეატი (იტალია ). საოპერო მომღერალი, მეცო-სოპრანო.

წყარო: ანიტა რაჭველიშვილი – ბიოგრაფიული ლექსიკონი