დაბადების თარიღი: 9 ივლისი, 1972 (52 წლის)

დაბადების ადგილი: ქ. თბილისი.

დაამთავრა თბილისის სახელმწიფო უნივერისტეტის აღმოსავლეთმცოდნეობის ფაკულტეტი 1992 წელს; თბილისის სახელმწიფო თეატრისა და კინოს ინსტიტუტი კინოდრამატურგიის ფაკულტეტი 1999 წელს.

1991-1994წწ. იყო სამაშველო სამსახურ “სანთელის” წევრი და მონაწილეობას იღებდა სამთო სამაშველო ოპერაციებში. გატაცებული იყო ალპინიზმით; 21 წლის ასაკიდან დაკავებულია ლიტერატურული მოღვაწეობით; მისი მოთხრობები, ესსეები, სტატიები და ფოტოები უკანასკნელი ათი წელია იბეჭდება ქართულ ჟურნალებში და ლიტერატურულ პერიოდიკაში; არის შვეიცარიაში გამოსული ორი ბროშურის ავტორი სვანეთსა და ხევის შესახებ და გარემოს დაცვის სამინისტროს დაკვეთით დაწერილი აქვს ტურისტული გზამკვლევი თუშეთის ეროვნული პარკის და ლაგოდეხის ნაკრძალის შესახებ; 2018 წელს მისი მოთხრობა “კახეთის მატარებელი” საფუძვლად დაედო რეჟისორ ლალი კიკნაველიძის დრამას; 2013 წელს გადაღებულია ფილმში “შემთხვევითი პაემნები” (რეჟ. ლევან კოღუაშვილი) – ივას როლში. მიღებული აქვს პრიზი საუკეთესო დებიუტისთვის თბილისის წიგნის ბაზრობაზე კრებულისთვის “ირემი და ლიმონათი” (2002), ილიას სახელმწიფო უნივერსიტეტის ლიტერატურული პრემია წლის საუკეთესო რომანისათვის “სამხრეთული სპილო” (2017). ალპინისტი, მოგზაური.

წყარო: არჩილ ქიქოძე – ბიოგრაფიული ლექსიკონი