დაბადების თარიღი: 13 მარტი, 1926
გარდაცვ. თარიღი: 31 მაისი, 2005 (79 წლის ასაკში)

დაბადების ადგილი: ქ. ჭიათურა.

სწავლობდა მოსკოვში ნემიროვიჩ–დანჩენკოს სახელობის სკოლა–სტუდიაში.

1944 წლიდან დაიწყო მოღვაწეობა ა. გრიბოედოვის სახელობის რუსთავის დრამატულ თეატრში; რამდენიმე სეზონი იმუშავა სოხუმისა და გორის, წლების მანძილზე კი თბილისის კ. მარჯანიშვილის და ა. გრიბოედოვის სახელობის თეატრებში; 1971 წლიდან მუშაობდა მოსკოვის ლენინური კომკავშირის სახელობის თეატრებში; თეატრში მუშაობის პარალელურად წლების მანძილოზე კონცერტებს მართავდა სსრკ ქალაქებში; სცენაზე შესრულებული აქვს 100–მდე როლი, მათ შორის: არმანი (ა. დიუმას “მარგარიტა გოტიე”), ალდემარო (ლოპე დე ვეგას “ცეკვის მასწავლებელი”), ვიქტორი (ლ. ზორინის “ვარშავული მელოდიები”); 1961 წლიდან იღებენ კინოში, როლები: ზურაბი (“თხუნელა”, 1962), კოსტაია (“რაც გინახავს ვეღარ ნახავ”, 1965), ოსტაპ ბენდერი (“თორმეტი სკამი”, 1971), ნუგზარ პაპაშვილი (“მიმინო”, 1977); დადგა პანტონიმა “სასაცილო და ნაღვლიანი ნოველები”. 1990 წელს კომპანია “სითი ბიზნესის” პრეზიდენტი გახდა, ხოლო 1992 წელს მან მოსკოვში გახსნა კლუბი “ოქროს ოსტაპი”, რომელმაც მცირე დროში დიდი პოპულარობა მოიპოვა.

წყარო: არჩილ გომიაშვილი – ბიოგრაფიული ლექსიკონი (nplg.gov.ge)