დაბადების თარიღი: 27 ოქტომბერი, 1937
გარდაცვ. თარიღი: 1 მაისი, 2008 (70 წლის ასაკში)

დაბადების ადგილი: ქ. სიღნაღი.

დაამთავრა თბილისის ქორეოგრაფიული სასწავლებელი 1959 წელს, თბილისის თეატრალური ინსტიტუტი 1964 წელს(რეჟისორ-ბალეტმაისტერი).

1959 წლიდან იყო ზ. ფალიაშვილის სახელობის თბილისის ოპერისა და ბალეტის თეატრის საბალეტო დასის სოლისტი; 1972-1974წწ. თბილისის მუსიკისა და დრამის თეატრის ბალეტმაისტერი; 1979-1980წწ. კონგოს სახალხო რესპუბლიკის თეატრის ქორეოგრაფი; დააარსა კონგოს ნაციონალური ბალეტი და კლასიკური ცეკვის სტუდია; 1981-1985წწ. თბილისის ქორეოგრაფიული სასწავლებლის სამხატვრო ხელმძღვანელი; 1985-1987წწ. საქართველოს სახელმწიფო ფილარმონიის მთავარი ბალეტმაისტერი; მოღვაწეობდა ქ. სვერდლოვსკის, ქ. ორჯონიკიძის ოპერისა და ბალეტის, თელავის დრამატულ თეატრებში, 1993 წლიდან იყო ბათუმის ოპერისა და ბალეტის თეატრის დამდგმელი ქორეოგრაფი; ქორეოგრაფია მუსიკალურ-კომედიური თეატრისათვის: გ. ცაბაძე “თოვლიანი მთების მელოდიები”(1973, პრემიერა), ნ. გაბუნია “ყვარყვარე”(1974, პრემიერა); ქართული რეპერტუარი: გორდა, სერგეი(დ. თორაძე “გორდა”, “მშვიდობისათვის”), გელა, დემონი(ს. ცინცაძე “ცისფერი მთის საუნჯე”, “დემონი”), ავთანდილი(გრ. კილაძე “სინათლე”), კლავდიუსი(რ. გაბიჩვაძე “ჰამლეტი”, 1971, პრემიერა), მწირი(ა. ბალანჩივაძე “მწირი”), კასიო(ა. მაჭავარიანი “ოტელო”, თბილისის, ქუთაისი), მეთევზე(ბ. კვერნაძე “ქორეოგრაფიული ნოველები”), ვაჟი(ბახი “პასაკალია”); ლიბრეტოები და დადგმები: ვ. აზარაშვილი “ბალეტი “ხევისბერი”(ალ. ყაზბეგის მოთხრობის “ხევისბერი გოჩა”-ს მიხედვით), შ. დავითაშვილი “ბალეტი “ზვიადაური”(ვაჟა-ფაველას “გველისმჭამელი”-ს მიხედვით), ბალეტი “ვეფხი და მოყმე”(ხალხური ლექსის მიხედვით); სხვა რეპერტუარი: პრინცი, ცისფერი ფრინველი, ზიგფრიდი, პაოლო(ჩაიკოვსკი “მძინარე მზეთუნახავი”, “მაკნატუნა”, “გედების ტბა”, “ფრანჩესკა და რიმინი”), ბაზილი, სოლორი(მინკუსი “დონ კიხოტი”, “ბაიადერა”), ალბერტი(ადანი “ჟიზელი”), ფრონდოზო(კრეინი “ლაურენსია”), პრინცი(პროკოფიევი “კონკია”), ხულიგანი(შოსტაკოვიჩი “ქლიშვილი და ხულიგანი”), დონ ჟუანი(რ. შტრაუსი “დონ ჟუანი”), დადგმა და მთავარი პარტია(რიმსკი-კორსაკოვი “ესპანური კაპრიჩიო”), დადგმა(პრიკოფიევი “უძღები შვილი”); ცეკვები საოპერო სპექტაკლებში: ვერდი “ოტელო”; ბალეტმაისტერი, ლიბრეტისტი.

წყარო: ბექარ მონავარდისაშვილი – ბიოგრაფიული ლექსიკონი (nplg.gov.ge)