დაბადების თარიღი: 1929
გარდაცვ. თარიღი: ივნისი, 2010 (81 წლის ასაკში)

დაამთავრა საქართველოს შოთა რუსთაველის სახელობის სახელმწიფო თეატრალური ინსტიტუტის სამსახიობო ფაკულტეტი 1952 წელს.

მუშაობდა ქუთაისის ლ. მესხიშვილის სახელობის სახელმწიფო თეატრში მსახიობად; 1953-1955წწ. – თბილისის მოზარდ მაყურებელთა ქართულ თეატრში; 1955-1967წწ. – თბილისის კ. მარჯანიშვილის სახელობის სახელმწიფო აკადემიურ თეატრში; 1967-1975წწ. – რუსთაველის თეატრში, ხოლო 1975 წლიდან კვლავ თბილისის კ. მარჯანიშვილის სახ. სახელმწიფო აკადემიური თეატრის მსახიობია; ძირითადად ასრულებდა სახასიათო როლებს; მისი საშემსრულებლო მანერა გამოირჩეოდა სცენური სიმართლითა და უბრალოებით, ლირიზმით. საუკეთესო როლები: მირანგულა (გ. ჩიტაიშვილის “მირანგულა”), არტური (ე. ლ. ვოინიჩის “კრაზანა”), პაპა გაბო (ა. აღლაძის “შავთვალა გოგონა”), გია (მ. ბარათაშვილის “ჩემი ყვავილეთი”), ყრუ (ნ. ჰიქმეთის “დამოკლეს მახვილი”), კოხტაია (ა. ცაგარელის “რაც გინახავს, ვეღარ ნახავ”), ინკვიზიტორი (ჟ. ანუის “ჟანა დ არკი”), მსახიობი (ე. დე ფილიპოს “კომედიის ხელოვნება”), კოსტილიოვი (მაქსიმ გორკის “ფსკერზე”), ტიბორცი (ი. კატონას “ბანკ ბანი”) და სხვა. მას გამორჩეული ადგილი ეკავა მხატვრული კითხვის ჟანრში; მუშაობდა აგრეთვე საქართველოს რადიოსა და ტელევიზიაში.

წყარო: გიზო სიხარულიძე – ბიოგრაფიული ლექსიკონი (nplg.gov.ge)