დაბადების თარიღი: 17 ოქტომბერი, 1921
გარდაცვ. თარიღი: 25 ივნისი, 1984 (62 წლის ასაკში)

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1947 წელს.

1945 წლიდან იყო კ. მარჯანიშვილის სახელობის თეატრის მსახიობი. თამაშობდა სხვადასხვა სტილისა და ხასიათის როლებს: მოურავი (“კაცია ადამიანი?!”, ი. ჭავჭავაძის მიხედვით), სანდრო (მ. ბარათაშვილის “მარინე”), გელა (“მოძღვარი”, ა. ყაზბეგის მიხედვით), მირონ ალავიძე (“თვალი პატიოსანი”, გ. ფანჯიკიძის მიხედვით), რასპუტინი (“კვაჭი კვაჭანტირაძე”, მ. ჯავახიშვილის მიხედვით). მანასე (კ. გუცკოვის “ურიელ აკოსტა”) და სხვა. კინოში იღებენ 1984 წლიდან. გადაღებულია ფილმებში: “ქეთო და კოტე” (ყარაჩოხელი, 1948), “ბერლინის დაცემა” (ქანთარია, 1949), “ცისკარა”(ვეზირი, 1955), “კარდაკარ” (აზნაური, 1960), “შავარდნის კვალი” (კაპიტანი რონალდი, კინოსტუდია “დეფა”, გდრ, 1969) და სხვა.

წყარო: გიორგი ტატიშვილი – ბიოგრაფიული ლექსიკონი (nplg.gov.ge)