დაბადების თარიღი: 13 თებერვალი, 1961 (63 წლის)
დაბადების ადგილი: ქ. თბილისი.
დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი ოკეანოლოგიის სპეციალობით; სწავლობდა გორის ეკონომიკურ ინსტიტუტში და GIPA-ში დიპლომატიის განხრით; 2009 წელს გაემგზავრა ნიუ-იორკის უნივერსიტეტში და აიღო დიპლომი პიარისა და ბიზნესის ადმინისტრირების რანგში.
1995 წლიდან გამოდის ესტრადაზე; პირველი მუსიკალური ნაბიჯები მომღერალმა სტუდენტობის ასაკში, უნივერსიტეტის ტრიოში, გადადგა; მისი რეპერტუარი მრავალფეროვანია: ქართული, ინგლისური, იტალიური, რუსული და ესპანური. აგრეთვე ასრულებს რუსულ რომანსებსაც; იყო საგარეო საქმეთა სამინისტროში მედია-დეპარტამენტის ხელმძღვანელი და კომკავშირელი. 1995 წლიდან ეწეოდა ბიზნეს-საქმიანობას, იტალიელ კოლეგებთან ერთად. მისი ქარხანა უშვებდა პლასტიკის კაფსულებს, რომლისგანაც შემდგომ ბოთლები მზადდებოდა. იყო “ცეკვავენ ვასრკვლავების” მონაწილე; სატელევიზიო შოუებისა და პროგრამების პოპულარული მონაწილეა; 2020 წელს იტალიაში საქართველოს საელჩოში მრჩევლის თანამდებობაზე დაინიშნა; არის მრავალი კონკურსის გამარჯვებული. მისი პოპულარული მეტსახელია – “რემიქსების მეფე”. მომღერლის დისკოგრაფიაში 8 ალბომი და 20 ვიდეორგოლია.
წყარო: დავით გომართელი – ბიოგრაფიული ლექსიკონი (nplg.gov.ge)