დაბადების თარიღი: 14 ივნისი, 1952 (71 წლის)
დაბადების ადგილი: ქ. ახმეტა.
დაამთავრა თბილისის საესტრადო და საცირკო ხელოვნების სახელმწიფო სასწავლებელი ესტრადის მსახიობის სპეციალობით 1977 წელს; საქართველოს შოთა რუსთაველის სახელობის სახელმწიფო თეატრალური ინსტიტუტი კინორეჟისორის სპეციალობით 1982 წელს.
1982-2000წწ. მუშობდა საქართველოს სამეცნიერო-პოპულარული და დოკუმენტური ფილმების სტუდია “მემატიანე”-ში კინორეჟისორად; 1998-2008წწ. ტელესტუდიებში “მზე”, “იბერია”, “მე-9 არხი”; 2002 წლიდან შოთა რუსთაველის სახელობის თეატრისა და კინოს უნივერსიტეტის ასოცირებული პროფესორი, ტელერეჟისურის მიმართულების ლიდერი; 2009 წლიდან საქართველოს საზოგადოებრივი მაუწყებლის არქივის ხელმძღვანელი; 2008 წლიდან სტუდია “მემატიანეს” სამხატვრო საბჭოს წევრი. დამდგმელი რეჟისორია ფილმების: “მთაწმინდა” (დოკუმენტური, 1980), “სიმონ ჩიქოვანი”(დოკუმენტური, 1984), “სადღაც ომი იყო” (დოკუმენტური, 1989), “შუშანიკის წამება” (დოკუმენტური, 1989), “ჯავრის ციხე“ (დოკუმენტური, 1992) “ხევსურები“ (დოკუმენტური, 1996), “რაჭა” (დოკუმენტური, 2002), “ეთნოგრაფიული იმპროვიზაციები (ცხელი წერტილები)” (დოკუმენტური, 2002) და სხვ.; სცენარის ავტორია ფილმების: “მთაწმინდა”(დოკუმენტური, 1980), “სადღაც ომი იყო” (დოკუმენტური, 1989), “შუშანიკის წამება” (დოკუმენტური, 1989), “ჯავრის ციხე” (დოკუმენტური, 1992) “ხევსურები” (დოკუმენტური, 1996), “ეთნოგრაფიული იმპროვიზაციები (ცხელი წერტილები)” (დოკუმენტური, 2002) და სხვ.; გადაღებულია ფილმებში: “ახალი წელი” (1982), “შუშანიკის წამება” (დოკუმენტური, მთხრობელი, 1989).