დაბადების თარიღი: 30 ივლისი, 1941 (81 წლის)
დაამთავრა მოსკოვის ა. ლუნაჩარსკის სახელობის თეატრალური ხელოვნების სახელმწიფო ინსტიტუტი 1991 წელს.
1961 წლიდან ქართული ხალხური ცეკვის სახელმწიფო ანსამბლის (ახლანდ. ი. სუხიშვილის სახ. ქართული ნაციონალური ბალეტი) სოლისტია, 1990 წლიდან – ბალეტმეისტერი. თევზაძე მონაწილეობას იღებდა ანსამბლის მთელ რეპერტუარში. ასრულებდა სოლო პარტიებს. მისი შესრულებისათვის დამახასიათებელია მუსიკალობა, არტისტიზმი, პლასტიკურობა. ანსამბლთან ერთად შემოიარა თითქმის მთელი მსოფლიო.