დაბადების თარიღი: 8 ივლისი, 1961 (63 წლის)

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოსოფიის ფაკულტეტი 1983 წელს; ჯორჯ მარშალის ევროპული ცენტრის საერთაშორისო და უსაფრთხოების სპეციალური ინსტიტუტის უმაღლესი კურსი 2002 წელს; გაიარა შავი ზღვის უსაფრთხოების პროგრამა ჰარვარდის უნივერსიტეტში 2003 წელს.

1983-1990 წწ. ფილოსოფიის ინსტიტუტის მეცნიერ-თანამშრომელი; 1987-1991 წწ. ეროვნული მოძრაობის ერთ-ერთი ლიდერი; 1992-1993 წწ. საინფორმაციო-სადაზვერვო სამსახურის უფროსი; 1994-1995 წწ. ანალიზის და პროგნოზირების ცენტრის ხელმძღვანელი. 1995-1999 წწ. საქართველოს მე-4 მოწვევის პარლამენტის წევრი: მაჟორიტარი, N2 ვაკის საარჩევნო ოლქი, თვითმართველობისა და რეგიონალური პოლიტიკის კომიტეტის წევრი; 2004-2006 წწ. საქართველოს მე-5 მოწვევის პარლამენტის წევრი პარტიული სიით, ბლოკი “მრეწველობა გადაარჩენს საქართველოს”, თავდაცვისა და უშიშროების კომიტეტის თავმჯდომრე; თბილისის სახელმწიფო უნივერსიტეტის უფროსი მეცნიერ-თანამშრომელი; 2006-2008 წწ. პოლიტიკური პატიმარი. მრავალი სამეცნიერო სტატიის ავტორი. ფილოსოფიის დოქტორი (2004); 2008 წლიდან IB -ევრო- კავკასიური უნივერსიტეტის ასოცირებული პროფესორი.

წყარო: ირაკლი ბათიაშვილი – ბიოგრაფიული ლექსიკონი