ოფიციალური სახელი: ვლადიმერ მექვაბიშვილი
დაბადების თარიღი: 21 ნოემბერი, 1928
გარდაცვ. თარიღი: 27 ოქტომბერი, 2016 (87 წლის ასაკში)

დაბადების ადგილი: ქ. მახარაძე.

დაამთავრა მახარაძის(ოზურგეთი) მე-3 საშუალო სკოლა 1945 წელს.

1947 წლიდან მახარაძის თეატრის სცენის თანამშრომელი; 1947 წლიდან ამავე თეატრის მსახიობი. მის მიერ შესრულებული როლებიდან აღსანიშნავია: პავლიკა, გოგიჩა (ი. მოსაშვილის “სადგურის უფროსი”, “ჩაძირული ქვები”), თამაზი (კ. ბუაჩიძის “ეზოში ავი ძაღლია”), ქუჩარა (პ. კაკაბაძის “ყვარყვარე თუთაბერი”), ზურაბი (დ. ჭონქაძის “სურამის ციხე”), შალიკო (გ. ნახუცრიშვილის “ლადო კეცხოველი”), ღვთისო (ი. ჭავჭავაძის “გლახის ნაამბობი”), გიო (პ. ირეთელის “ქრისტინე”) და სხვა. 1964 წლიდან სიცოცხლის ბოლომდე თბილისის მოზარდ მაყურებელთა ქართული თეატრის მსახიობი იყო. აქ განასახიერა როლები: ბაბუა (ე. ახვლედიანის “ბაბუა და შვილიშვილი”), მეფე (გ. ნახუცრიშვილის “ნაცარქექია”), შუშანა (ვაჟა-ფშველას “მოკვეთილი”), სიმონიკა, სოკრატე, სერაფიონი (დ. კლდიაშვილის “უბედურება”, “ირინეს ბედნიერება”, “ქამუშაძის გაჭირვება”), ჯემალი (ვ. კანდელაკის “მაია წყნეთელი”), მისტერ ბანკსი (პ. ტრავერსის “მერი პოპინსი”), წამყვანი (ბ. ლავრენიოვის “რღვევა”), ბაბაიანცი (ნ. დუმბაძის “კუკარაჩა”), მეფე (ე. შვარცის “ჩვეულებრივი სასწაული”) და სხვა.

წყარო: ლადო მექვაბიშვილი – ბიოგრაფიული ლექსიკონი (nplg.gov.ge)