დაბადების თარიღი: 15 მარტი, 1948
გარდაცვ. თარიღი: 17 თებერვალი, 2024 (75 წლის ასაკში)

დაბადების ადგილი: ქ. საგარეჯო.

დაამთავრა თბილისის სახელმწიფო ფიზკულტურის ინსტიტუტი 1971 წელს; 1976 წელს თბილისის სახელმწიფო უნივერსიტეტის იურიდული ფაკულტეტი.

1968-1971წწ. იყო თბილისის საავეჯო კომბინატის მუშა; 1980-1982წწ. კომკავშირის ცკ-ს სპორტული და თავდაცვის მუშაობის განყოფილების გამგე; 1982-1984წწ. საგარეჯოს რაიონის სოფელ კაკაბეთის კოლმეურნეობის თავმჯდომარე; 1986-1989წწ. თბილისის სპორტკომიტეტის თავმჯდომარე; 1989-1993წწ. ერთობლივი საწარმოების “თსბ”-სა და “აბჯრის” პრეზიდენტი; 1993-1995წწ. კახეთის რეგიონში სახელმწიფო მეთაურის რწმუნებული; 1995-1999წწ. საქართველოს მე-4 მოწვევის პარლამენტის წევრი, საარჩევნო ბლოკი: საქართველოს მოქალაქეთა კავშირი, საარჩევნო ფორმა: მაჟორიტარული, მაჟორიტარი N11 საგარეჯოს ოლქი; 1999-2004წწ. საქართველოს მე-5 მოწვევის პარლამენტის წევრი, საარჩევნო ბლოკი: საქართველოს მოქალაქეთა კავშირი, საარჩევნო ფორმა: პარტიული სიით. მონაწილეობდა ფილმში “ხარება და გოგია” (რეჟ. გ. შენგელაია). არის სსრკ ხალხთა V სპარტაკიადის ჩემპიონი (1971), სსრკ წლის საუკეთესო სპორტსმენი (1973), მსოფლიოს თასის მფლობელი (1973), მსოფლიოს ჩემპიონატის მეორე პრიზიორი (1978), საქართველოს XX საუკუნის საუკეთესო სპორტსმენი (ბრინჯაოს პრიზი), საქართველოს N1 მეცენატი (1992), კინოფესტივალ “ოქროს არჩას” პირველი პრიზის მფლობელი, მამაკაცის როლის საუკეთესო შესრულებისთვის ფილმში “ხარება და გოგია”. თავისუფალი სტილის მოჭიდავე.

წყარო: ლევან თედიაშვილი – ბიოგრაფიული ლექსიკონი (nplg.gov.ge)