ოფიციალური სახელი: მარიამ ჭიჭინაძე
დაბადების თარიღი: 3 თებერვალი, 1959 (64 წლის)

დაამთავრა შოთა რუსთაველის სახელობის თეატრალური ინსტუტის სამსახიობო ფაკულტეტი (ლ. იოსელიანის სახელოსნო) 1982 წელს.

მოღვაწეობს რუსთაველის სახელობის თეატრში. რუსთაველის თეატრის სცენაზე განსახიერებული როლები:
ოფელია, ელო (თ. ჭილაძე “როლი დამწყები მსახიობი გოგონასათვის”, რეჟისორი – რ. სტურუა), ქეთევანი (შ. შამანაძე “ერთხელ მხოლოდ ისიც ძილში”, რეჟისორი – გ. სიხარულიძე), გულქანი (ვაჟა-ფშაველა “მოკვეთილი”, რეჟისორი – ა. ვარსიმაშვილი), ელენე (ა. წერეთელი “სამგვარი სიყვარული”, დადგმის ხელმძღვანელი – რ. სტურუა, რეჟისორი – ლ. ბურბუთაშვილი), კორდელია (შექსპირი “მეფე ლირი”, რეჟისორი – რ. სტურუა), ნატაშა (გ. ბათიაშვილი “შეთქმულება”, რეჟისორი – გ. ქავთარაძე), როსაურა (პ. კალდერონ დე ლა ბარკა “ცხოვრება სიზმარია”, რეჟისორი – რ. სტურუა), დედოფალი (ხ. ლევინი “პირდაღებული”, რეჟისორი – დ. საყვარელიძე), ლალი, ნია (ლ. თაბუკაშვილი “მერე რა, რომ სველია სველი იასამანი”, რეჟისორები – რ. სტურუა, დ. ხინიკაძე), გერტრუდა (შექსპირი “ჰამლეტი”, რეჟისორი – რ. სტურუა), თეკლა (ზ. ანტონოვი “მზის დაბნელება საქართველოში”, რეჟისორი – გ. კაპანაძე). მონაწილეა სპექტაკლებისა: “სტიქსი”, “ასულნი” (რეჟისორი – რობერტ სტურუა) და სხვ. კინოდებიუტი შედგა მთავარი როლით კომედიაში “ქორწინება იმერულად” (ნ. ნენოვა, გ. წულაია, 1979). მონაწილეობს ფილმებში: “წისქვილი ქალაქის გარეუბანში” (რ. ესაძე, 1981), “სიკეთის ტელეფონი” (ა. ჭიაურელი, 1986), “ხარება და გოგია” (გ. შენგელაია, 1987), “მიახლოება” (ა. რეხვიაშვილი, 1989), “ნოე” (ნ. მანაგაძე, 1990), “ვალსი პეჩორაზე” (ლ. ღოღობერიძე, 1992), “ოცნებების სასაფლაო” (გ. ხაინდრავა, 1997). თეატრისა და კინოს მსახიობი.

წყარო: მარიკა ჭიჭინაძე – ბიოგრაფიული ლექსიკონი (nplg.gov.ge)