დაბადების თარიღი: 21 იანვარი, 1913
გარდაცვ. თარიღი: 25 მაისი, 1996 (83 წლის ასაკში)
დაბადების ადგილი: სოფელი კვირიკეთი, ოზურგეთის რაიონი.
დაამთავრა მახარაძის შრომის სკოლა 1927 წელს; 1930-1934წწ. მახარაძის თეატრის მსახიობია, შემდეგ მუშაობდა ჩოხატაურის კლუბთან არსებულ დრამწრეში, ხოლო ჩოხატაურში სახელმწიფო თეატრის დაარსების შემდეგ, ჯერ მსახიობი, ხოლო შემდეგ (1943-1945წწ.) ამ თეატრის დირექტორი იყო; 1949 წლიდან იყო ბათუმის ი. ჭავჭავაძის სახელობის თეატრის მსახიობი. მის მიერ შესრულებული როლებიდან აღსანიშნავია: ნინო (ს. ერთაწმინდელის “რევოლუციის მოლოდინი”), ქეთევანი (დ. ერისთავის “სამშობლო”), ხანუმა, გულჯავარი (ა. ცაგარელის “ხანუმა”, “გლეხის ქალი გულჯავარი”), ტურფა (ა. წერეთლის “პატარა კახი”), გულთამზე (პ. კაკაბაძის “ყვარყვარე თუთაბერი”), ფატი (ნ. ნაკაშიძის “ვინ არის დამნაშავე”), მარინე (ვ. გუნიას “და-ძმა”), ქრისტინე (პ. ირეთელის “ქრისტინე”), მამიდა (ტრ. რამიშვილის “სტუმარ-მასპინძლობა”), ძიძია (ს. შანშიაშვილის “ხევისბერი გოჩა”), ელენე (მ. ქელბაქიანის “შესაფერი ჯილდო”), ტატიანა (ს. მთვარაძის “სახსოვარი”), ელიკო (ი. ვაკელის “რვალი”), საშა (ლ. ტოლსტოის “ცოცხალი ლეში”), მართა (გ. ნახუცრიშვილის “ნაცარქექია”), კაკანო, ბებია (ნ. დუმბაძის და გ. ლორთქიფანიძის “მე ვხედავ მზეს” და “მე, ბებია, ილიკო და ილარიონი”) და სხვ.