ოფიციალური სახელი: პეტრე ბაგრატიონი
სხვა სახელი: თამარაშვილი (ფსევდონიმი)
დაბადების თარიღი: 28 მარტი, 1920
გარდაცვ. თარიღი: 13 აგვისტო, 1984 (64 წლის ასაკში)

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1941 წელს.

1933 წლიდან დაიწყო ლიტერატურული მოღვაწეობა; 1945 წელს დააპატიმრეს ანტისაბჭოთა ლექსებისათვის; ავტორია არაერთი მუსიკალური კომედიის ლიბრეტოსი, მათ შორის: “შურისმაძიებელი”, “საყვარელი დისშვილი” და სხვ.; საოპერო ლიბრეტოებისა; დრამატული ნაწარმოებისა: “სასჯელის შიშით”, “შემთხვევა ზღვაში”, “ბრალდებული”; მის ლექსებზეა დაწერილი გიორგი ცაბაძის “ჰიმნი სიყვარულს”, “მიმღერე რამე”, “სადაც გინდა, იქ ილოცე”; ბიძინა კვერნაძის “გაზაფხულდა”; ოთარ თევდორაძის “ობელისკები”; აღსანიშნავია რევაზ ლაღიძის “სიმღერა თბილისზე”, რომელიც თბილისის 1500 წლისთავისთვის დაიწერა; ასევე მის ლექსებზე დაიწერა სიმღერები ცნობილი მხატვრული ფილმებისთვის: “კეთილი ადამიანები”, “ბაში-აჩუკი”, “დღე პირველი, დღე უკანასკნელი”, “აბეზარა”, “მხიარული რომანი”, “რაც გინახავს, ვეღარ ნახავ”, “განგაში”, “მიმინო” და სხვ.; მის სცენარებზე შეიქმნა ფილმები: “შეხვედრა მთაში”, “საქართველოს რიტმები”, და “საჩუქარი”. 1955 წლიდან მუშაობდა კ/ს “ქართულ ფილმში”. ბაგრატიონთა სამეფო გვარის პირდაპირი შთამომავალი.

წყარო: პეტრე გრუზინსკი – ბიოგრაფიული ლექსიკონი (nplg.gov.ge)