სესილია თაყაიშვილი

დაბადების თარიღი: 17 სექტემბერი, 1906
გარდაცვ. თარიღი: 21 მაისი, 1984 (77 წლის ასაკში)

დაბადების ადგილი: ქ. ბათუმი.

დაამთავრა თბილისის სათეატრო ინსტიტუტი 1926 წელს.

სათეატრო ინსტიტუტის დამთავრებისთანავე ჩაირიცხა შოთა რუსთაველის სახელობის თეატრის დასში, სადაც 1930 წლამდე იმუშავა. მისი პირველი როლი იყო ჯადოქარი ფატმა(თ. ვახვახიშვილის პანტომიმა “მზეთამზე”). 1930–1966წწ. მარჯანიშვილის თეატრში მოღვაწეობდა; განსაკუთრებულ წარმატებას მიაღწია სახასიათო როლების შესრულებაში. ქართულ სცენაზე 120-მდე როლი განასახიერა. მათ შორის ქრისტინე(შ. დადიანი “ნინოშვილის გურია”), გვირისტინე (პ. კაკაბაძის “კოლმეურნის ქორწინება”), ოლღა(ნ. დუმბაძისა და გ. ლორთქიფანიძის “მე ბებია, ილიკო და ილარიონი”), სიუზონი (ბომარშეს “ფიგაროს ქორწინება”), კატარინა(შექსპირის “ჭირვეული ცოლის მორჯულება”), ელისაბედ დედოფალი (შილერის “მარია სტიუარტი”) და სხვა. ს. თაყაიშვილს დიდი ღვაწლი მიუძღვის ქართული საესტრადო ხელოვნების განვითარებაში. 1948 წლიდან მოღვაწეობს კინოში. შეასრულა მანანას (“ჭირვეული მეზობლები” 1949), ვასასის (“ჩვენი ეზო” 1956), ელპიტეს (“საბუდარელი ჭაბუკი” 1956), ოლღას (“მე ბებია ილიკო და ილარიონი”, 1962), ბორდოხანის (“დიდოსტატის მარჯვენა”, 1969), მარადიას (“ნატვრის ხე, 1977), ასინეთას (“დათა თუთაშხია”) და სხვა როლები.

წყარო: სესილია თაყაიშვილი – ბიოგრაფიული ლექსიკონი (nplg.gov.ge)

ფილმოგრაფია

მსახიობი:

1945 – ჭირვეული მეზობლები
1948 – ქეთო და კოტე
1954 – ისინი ჩამოვიდნენ მთიდან
1956 – აბეზარა
1956 – ჩვენი ეზო
1956 – ჩრდილი გზაზე
1957 – საბუდარელი ჭაბუკი
1958 – მანანა
1958 – სხვისი შვილები
1960 – კარდაკარ
1962 – მე, ბებია, ილიკო და ილარიონი
1963 – თოჯინები იცინიან
1965 – პიერი, მილიციის თანამშრომელი
1965 – ჯილდო
1965 – მე ვხედავ მზეს
1965 – ბოდიში, თქვენ გელით სიკვდილი
1967 – ქალაქი ადრე იღვიძებს
1968 – ფერისცვალება
1968 – არ იდარდო!
1969 – ფილატელისტის სიკვდილი
1969,1970 – დიდოსტატის მარჯვენა
1970 – ჩამავალი მზე
1970 – ჩემი ქალაქის ვარსკვლავი
1972 – ნერგები
1972 – როცა აყვავდა ნუში
1973 – ბებერი მეზურნეები
1973 – მე და ჩემი მეზობლები
1973 – მზე შემოდგომისა
1975 – არ დაიჯერო, რომ აღარ ვარ
1975 – ჩიტის რძე
1976 – ნატვრის ხე
1976 – ქალაქი ანარა
1977 – ესკულაპეს მოწაფე
1977 – დათა თუთაშხია
1978 – ყვარყვარე
1979 – მეცამეტე გოჭი
1979 – ძახილი
1979 – ქორწინება იმერულად
1983 – ცისფერი მთები ანუ დაუჯერებელი ამბავი