დაბადების თარიღი: 5 მაისი, 1955
გარდაცვ. თარიღი: 27 მაისი, 2024 (69 წლის ასაკში)

დაბადების ადგილი: სოფელი ახალდაბა, ბორჯომის რაიონი.

დაამთავრა შოთა რუსთაველის სახელობის თეატრალური ინსტიტუტის სამსახიობო ფაკულტეტი 1974 წელს.

1974 წლიდან რუსთაველის სახელობის თეატრის მსახიობია. მუშაობდა რუსთავის თეატრში (1978). კინოდებიუტი შედგა ფილმში: “ბეღურების გადაფრენა” (თ. ბაბუანი, 1980). კოლორიტული სახეები შეხქმნა ფილმებში : “სიყვარული ყველას უნდა” (გ. შენგელაია, მ. ჭიაურელი, უმც., 1980), “ადამიანთა სევდა” (გ. ჩოხელი, 1984), “ბატონი ავანტიურისტევი” (ბ. ჩხეიძე, 1985), “ლომა” (ბ. რაჭველიშვილი, 1987), “ჩემი პირველი სიყვარული” (ს. ჯაჭვლიანი, 2003), “სკამი” (ლ. ბზვანელი, 2004). მთავარი როლი შეასრულა ფილმში: “თედო” (ა. შანშიაშვილი, 2005). მონაწილეობს სხვა ქვეყნის კინოსტუდიებში გადაღებულ ფილმებში (“ნაბრძანებია ცოცხლად შეპყრობა”, “ლიტვური ტრანზიტი”, “გალია” და სხვ.), ტელესერიალებსა და სარეკლამო კლიპებში. თეატრისა და კინოს მსახიობი.

წყარო: ტრისტან სარალიძე – ბიოგრაფიული ლექსიკონი (nplg.gov.ge)