დაბადების თარიღი: 20 თებერვალი, 1941 (83 წლის)

დაამთავრა შოთა რუსთაველის სახელობის თეატრალური ინსტიტუტის სამსახიობო ფაკულტეტი (გ. ლორთქიფანიძის სახელოსნი) 1964 წელს.

ინსტიტუტში სწავლისას მონაწილეობა მიიღო კინოკომედიაში “თოჯინები იცინიან” (ნ. სანიშვილი, 1963). 1964-1967წწ. მოღვაწეობდა რუსთავის დრამატულ თეატრში, მონაწილეობდა თბილისის მოზარდ-მაყურებელთა ქართული თეატრის სპექტაკლებში, გამოდიოდა “მეტეხის თეატრის” სცენაზე. 1970-იანის ბოლოდან მუშაობს კინოში, ასრულებს მთავარ და მეორეხარისხოვან სახასიათო როლებს ფილმებში: “ვერსათრიელა” (ლ. ჯანელიძე, 1982), “გარსევანი” (ლ. ზაქარეიშვილი, 1984), “ნეილონის ნაძვის ხე” (რ. ესაძე, 1985), “ნისლი” (ლ. ზაქარეიშვილი, 1985), “ბატონი ავანტიურისტები” (ბ. ჩხეიძე, გ. მატარძე, 1985), “მეტიჩარა” (ნ. ნენოვა, გ. წულაია, 1988), “ვამეხი მოდის” (ო. ლითანიშვილი, ო. შამათავა, 1988, ვეზირი), “ტურანდოტი” (ო. შამათავა, , 1989), “მდგმურები” (დ. ჯანელიძე, 1989), “ცეცხლათან თამაში” (გ. ვეფხვაძე, 1990, ანდრო), “მერცხლები და ბეღურები” (დ. ურუშაძე, 1991), “ისინი” (ლ. ზაქარეიშვილი, 1992), “ციხე-სიმაგრე” (დ. ჯანელიძე, 1993), “ლეონარდო” (დ. ნაცვლიშვილი, 1993, ნოე), “შიში” (გ. ვეფხვაძე, 1995, გიჟი), “შეყვარებული კულინარის 1001 რეცეპტი” (ნ. ჯორჯაძე, 1996), “ცარიელი სივრცე” (მ. ბორაშვილი, 2001), “ორმო” (მ. ქაცარავა, 2002), “თბილისი-თბილისი” (ლ. ზაქარეიშვილი, 2005), “ოცნების ქალაქი” (დ. იმედაშვილი, 2010) და სხვ. მონაწილეობს ტელესერიალებში, გაახმოვანა რამდენიმე ასეული როლი. 2004 წლიდან ხელმძღვანელობს ტელეკომპანია “იმედის” დუბლაჟის განყოფილებას.

წყარო: შოთა ქრისტესაშვილი – ბიოგრაფიული ლექსიკონი (nplg.gov.ge)