დაბადების თარიღი: 28 ნოემბერი, 1957 (65 წლის)
დაბადების ადგილი: ქ. მინსკი, ბელორუსია.
დაამთავრა თბილისის სახელმწიფო სამხატვრო აკადემიის დაზგური გრაფიკის ფაკულტეტი 1980 წელს.
არის ავტორი ნამუშევრებისა: “სიბრძნე ბალაჰვარისა” (წიგნის გაფორმება, 1980), ” ტრადიციების აღორძინება” (1984), “წელიწადის დროები”, ილუსტრაციები ვაჟა-ფშაველას ნაწარმოებებისათვის (ოფორტები, 1983); სერიგრაფია “მთიულური მოტივები” (1986); სერია “ეკლესიასტე” (1992-1993); “სოლომონ მეფე”, “ქებათა ქება” (1992-1994) და სხვა. შექმნა კოსტუმების დიზაინი ფილმისთვის “მაცგი” (1986). გამართული აქვს გამოფენები: თბილისში (1984); City Hall (ჰამბურგი, 1991); Saar Galery “Marline Hanstain Galery” (საარბრიუკენი, 1993); European Akademy (ობერჰაუზენი, 1993); “Dagstul Palace” (საარლანდი); Merwede Hospital (დორტრეხტი, ჰოლანდია, 1996), “Galerie de Dreutenhof” Orvelte (ჰოლანდია, 1996), Corcoran International Art Institute (ვაშინგტონი, 1996), გალერეა “ორიენტი” (ნ. ფერაძესთან ერთად, 1997), “ქარვასლა” (1998). მისი ნამუშევრები დაცულია: მოსკოვის აღმოსავლეთის ხალხთა ხელოვნების მუზეუმში, პუშკინის სახელობის სახვითი ხელოვნების მუზეუმის ფონდში (მოსკოვი), “ექსპრეს-ავანგარდის” გალერეაში (მოსკოვი), ნოვოსიბირსკის “ხელოვნების მუზეუმში”, აშშ კერძო კოლექციაში. მონაწილეობდა კავკასიის რესპუბლიკების I ბიენალეში (ოქროს მედალი, 1986); მოსკოვის დაზგური გრაფიკის I საერთაშორისო გამოფენაში (I პრემია, 1987); “ამერიკული გრაფიკის ცენტრში” (მოსკოვი, 1989-1997); Franc Masered Centre” – ში (ბელგია, 1994, 1996).