დაბადების თარიღი: 28 აგვისტო, 1924
გარდაცვ. თარიღი: 2 აპრილი, 2012 (87 წლის ასაკში)

დაბადების ადგილი: სოფელი ბაში, სამტრედიის რაიონი.

დაამთავრა თბილისის სამხატვრო ტექნიკუმი ფერწერის განხრით 1944 წელს; საქართველოს სამხატვრო აკადემიის ფერწერის ფაკულტეტი 1950 წელს.

1951 წელს წავიდა სიმფეროპოლში, სადაც სამხატვრო სასწავლებელში ასწავლიდა; 1952 წელს დაბრუნდა თბილისში, ასწავლიდა სამხატვრო სასწავლებელში; 1953 წლიდან მუშაობდა კინოსტუდია “ქართული ფილმის” მულტიპლიკაციურ საამქროში დამდგმელ მხატვრად; 1954 წლიდან გადავიდა მხატვრული ფილმების მხატვრად; 1981 წლიდან იყო კინოსტუდია ქართული ფილმის მთავარი მხატვარი. დამდგმელი მხატვარია ფილმების: “ყურშა” (1954), “ჩრდილი გზაზე” (1956), “მე ვიტყვი სიმართლეს” (1957), “საბუდარელი ჭაბუკი” (1957), “კარდაკარ” (1960), “ჯარისკაცია მამა” (1964), “ნერგები” (1972), “მშობლიურო ჩემო მიწავ (რაიკომის მდივანი)” (1980), “ცხოვრება დონ კიხოტისა და სანჩოსი” (1989), “მაცხოვრის საფლავზე ანთებული სანთელი” (2008) და სხვ.

წყარო: ილამაზ მეძმარიაშვილი – ბიოგრაფიული ლექსიკონი (nplg.gov.ge)