ოფიციალური სახელი: გიორგი ლაფაური
დაბადების თარიღი: 18 მარტი, 1957 (67 წლის)
დაბადების ადგილი: ქ. თბილისი.
დაამთავრა თბილისის სამხატვრო აკადემიის სახვითი ხელოვნების ფაკულტეტი მხატვარ-გრაფიკოსის სპეციალობით 1981 წელს; 1980-1982წწ. კინო-ტელე ანიმაციის კურსი, კინოს დამდგმელი მხატვარი, უმაღლესი კატეგორია.
1981 წლიდან კინოსტუდია “ქართული ფილმი”, მულტიპლიკაციური ფილმების სტუდია, მხატვარი და სცენარისტი; 1988-1989წწ. ანიმაციურ ფილმებზე იმუშავა ბულგარეთის და ჩეხეთის სტუდიებში; 1981 წლიდან განხორციელებული აქვს რამდენიმე თეატრალური დადგმა საქართველოსა და გერმანიაში; 1983-2003წწ. სხვადასხვა ბეჭდვითი გამოცემების მთავარი მხატვარი, მხატვარ-დიზაინერი; 2006 წლიდან ტურისტული კომპანია “ალიონი-ტურის” დამაარსებელი და რეგიონალური მენეჯერი; 2007 წლიდან “კვირის პალიტრის” საგამომცემლო სახლის მხატვარი და სტუდია “ანიმა გეორგია”-ს დამაარსებელი; მონაწილეობდა რამოდენიმე პერსონალურ და ჯგუფურ გამოფენებში. დამდგმელი რეჟისორია ფილმის: “რატომ აქვს კურდღელს დიდი ყურები?” (ანიმაციური, 2009); სცენარის ავტორია ფილმების: “ალიყური” (ანიმაციური, 1989), “მოწმე” (ანიმაციური, 1991), “მოგზაურობა ისტორიაში” (ანიმაციური, 2005), “რატომ აქვს კურდღელს დიდი ყურები?” (ანიმაციური, 2009); პროდიუსერია ფილმის: “მოგზაურობა ისტორიაში” (ანიმაციური, 2005); დამდგმელი მხატვარია ფილმების: “ფაკირი” (ანიმაციური, 1979), “პროფილი და ანფასი” (ანიმაციური, 1988), “მოწმე” (ანიმაციური, 1991), “განხეთქილების ვაშლი” (ანიმაციური, 2003), “მოგზაურობა ისტორიაში” (ანიმაციური, 2005), “რატომ აქვს კურდღელს დიდი ყურები?” (ანიმაციური, 2009), “მაყურებელთა დარბაზები” (2013).