ოფიციალური სახელი: გიორგი ალექსი–მესხიშვილი
დაბადების თარიღი: 2 მარტი, 1941 (81 წლის)

დაბადების ადგილი: ქ. თბილისი

დაამთავრა თბილისის სამხატვრო აკადემია 1967 წელს (ფერწერა, დეკორაციული მხატვრობა).

1971 წლიდან იყო შ. რუსათაველის სახელობის დრამატული თეატრის, კ. მარჯანიშვილის სახელობის დრამატული თეატრისა და ზ. ფალიაშვილის სახელობის თბილისის ოპერისა და ბალეტის თეატრის მხატვარი; 1975 წელს აირჩა რუსთაველის თეატრის მთავარ მხატვრად, სადაც ორმოცამდე სპექტაკლი გააფორმა, საუკეთესო ნამუშევრებია ბერტოლდ ბრეხტის “კავკასიური ცარცის წრე”, “სეჩუანელი კეთილი ადამიანი”, კარლო გოცის “ქალი-გველი”, უილიამ შექსპირის “ზაფხულის ღამის სიზმარი”, “როგორც გენებოთ, ანუ შობის 12 ღამე”; 1986–1995წწ. ზ. ფალიაშვილის სახელობის თბილისის ოპერისა და ბალეტის თეატრის მთავარი მხატვარი; 1995 წლიდან ცხოვრობს და მოღვაწეობს დორტმუდში(აშშ), არის დორტმუდის კოლეჯის პროფესორი; შექმნილი აქვს: ქართული მუსიკალური სპექტაკლები – “…და არს მუსიკა”(1984, გ. ყანჩელი), “აბესალომ და ეთერი”(1986); მიუზიკლები – “სანამ ურემი გადაბრუნდება”(1973, გ. ცაბაძე), “ჩემი გული აქაა”(1977, გ. ცაბაძე, ოდესა); ბალეტი – “ქორეოგრაფიული სიუიტა”(1976, ო. თაქთაქიშვილი); ფერწერა მუსიკალურ თემებზე – “არლეკინი”(1971), “ნატურმორტები ნალერინებით”(1978–1993), კომპოზიტორ გ. ყანჩელის პორტრეტი(1984), მუსიკისმცოდნე რ. ქუთათელაძის პორტრეტი (1986); მხატვრული კინოფილმი – “ახალგაზრდა კომპოზიტორის მოგზაურობა” (1985); მონუმენტურ–დეკორაციული ხელოვნება – კომპოზიტორთა სახლი ბორჯომში (1985); სხვა მუსიკალური სპექტაკლები – “დონ ჟუანი”( 1983, მოცარტი), “ბალ–მასკარადი” (1989, ვერდი), “ევგენი ონეგინი”(პ. ჩაიკოვსკი), “კარმენი” (ბიზე); თეატრალური დეკორატორი. მიღებული აქვს: საქართველოს მხატვართა კავშირის მედალი – წლის საუკეთესო ნამუშევრისთვის, ს. ფარაჯანოვის ფილმის “აშუღ-ყარიბი” – მხატვრული გაფორმებისთვის (ევროპული კინოაკადემიის პრემია “ფენიქსი”, 1988), მ. თუმანიშვილის სპექტაკლი “დონ ჟუანი” – პრემია საუკეთესო დადგმისათვის (ედინბურგი, 1988), რუსეთის კინოაკადემიის პრემია “ნიკა” (1990), შ. რუსთაველის სახ. თეატრის სპექტაკლი “ზაფხულის ღამის სიზმარი” – მხატვრული გაფორმებისთვის ედინბურგის ფესტივალის კრიტიკოსების პრემია (1994), ვაშინგტონის თეატრი “სინეტიკი”-ს სპექტაკლი “ჰამლეტი-სიჩუმე” – მხატვრული გაფორმებისთვის ჰელენ ჰეისის სახელობის პრემია (აშშ, 2003), საქართველოს თეატრალური საზოგადოების პრემია სეზონის საუკეთესო სცენური ნაწარმოები (1973, 1985, 1987, 1998).

წყარო: გოგი ალექსი-მესხიშვილი – ბიოგრაფიული ლექსიკონი (nplg.gov.ge)