დაბადების თარიღი: 10 იანვარი, 1930
გარდაცვ. თარიღი: 20 აპრილი, 2018 (88 წლის ასაკში)

დაამთავრა ხატვის და ფერწერის ორწლიანი კურსები ქ. მოსკოვში 1953 წელს; კინემატოგრაფიის საკავშირო სახელმწიფო ინსტიტუტი კინოოპერატორის სპეციალობით 1972 წელს.

1955 წლიდან კინოსტუდია “ქართული ფილმის” დამდგმელი ოპერატორი და დამდგმელი მხატვარი; 1998 წლიდან საქართველოს შოთა რუსთაველის სახელობის თეატრისა და კინოს უნივერსიტეტის პედაგოგი, ასოცირებული პროფესორი. დამდგმელი რეჟისორია ფილმის: “კარები” (1971); სცენარის ავტორია ფილმის “კარები” (1971), დამდგმელი ოპერატორია ფილმების: “კარები” (1971), “თვალი პატიოსანი” (1976), “კაცია ადამიანი?!” (1979), “კუკარაჩა” (1982), “მარტოხელა მონადირე” (1989), “ჩემი ძვირფასი, სანატრელი ბაბუ” (1998), “6 და 7 (მისტიკური დრამა, ადამი და ევას სულიერ ისტორიაზე)” (2003) და სხვ.; დამდგმელი მხატვარია ფილმების: “შეხვედრა წარსულთან” (1966), “ღიმილის ბიჭები”(1969), “გოგონა და ჯარისკაცი” (1970), “ციმბირელი პაპა” (1973), “მაცხოვრის საფლავზე ანთებული სანთელი” (2008) და სხვ.

წყარო: მიხეილ მედნიკოვი – ბიოგრაფიული ლექსიკონი (nplg.gov.ge)