დაბადების თარიღი: 11 მაისი, 1937
გარდაცვ. თარიღი: 17 თებერვალი, 2020 (82 წლის ასაკში)

დაბადების ადგილი: ქ.მოსკოვი, სსრკ

დაამთავრა საკავშირო კინემატოგრაფიის ინსტიტუტის სარეჟისორო ფაკულტეტი (მოსკოვი) 1959 წელს.

1955-1959წწ. იყო კინოსტუდია “ქართული ფილმის” მსახიობი; 1959 წლიდან რეჟისორი; არის რეჟისორი ფილმებისა: “ალავერდობა” (1963), “მაცი ხვიტია” (1965), “ფიროსმანი” (1969), “ვერის უბნის მელოდიები” (1973), “სიყვარული ყველას უნდა” (1980), “ახალგაზრდა კომპოზიტორის მოგზაურობა” (1984), “ხარება და გოგია” (1987), “სიყვარული ვენახში” (2000), “მიდიოდა მატარებელი” (2005) და სხვ; გადაღებულია ფილმებში: დათო (“ჩვენი ეზო”, 1956), გიორგი (“ოთარაანთ ქვრივი”, 1957), ვაჟა (“ქვიშანი დარჩებიან”, 1976), გელა (“ამბავი ერთი ქალიშვილისა”, 1960), გოგია (“რაც გინახავს ვეღარ ნახავ”, 1965). მიღებული აქვს: ამიერკავკასიისა და უკრაინის რესპუბლიკის კინოფესტივალის დიპლომი (1966),  ბერგამოს (იტალია) მე-10 საერთაშორისო კინოფესტივალის პრიზი “დრაკონი” და ფიპრეისის დიპლომი (1966), დიდი ბრიტანეთის კინოსტუდიის პრემია (1973), ჩიკაგოს მე–10 საერთაშორისო კინოფესტივალის დიდი პრიზი “ოქროს იუგო” (1974), აზოლას (იტალია) საერთაშორისო კინოფესტივალის პირველი პრემია (1974), ფინეთის ხელოვნების აკადემიის პრიზი (1975), საქართველოს მინისტრთა საბჭოს პრემია (1980), ბერლინის კინოფესტივალი “ვერცხლის დათვი”, პრიზი საუკეთესო რეჟისურისათვის “ახალგაზრდა კომპოზიტორის მოგზაურობა” (1986), თბილისის საერთაშორისო მე-19 კინოფესტივალის პრიზი საპატიო “პრომეთე” (2018) და სხვა პრიზები.

წყარო: გიორგი შენგელაია – ბიოგრაფიული ლექსიკონი (nplg.gov.ge)