დაბადების თარიღი: 24 დეკემბერი, 1902
გარდაცვ. თარიღი: 26 ოქტომბერი, 1995 (92 წლის ასაკში)

დაბადების ადგილი: ქ. ქუთაისი.

დაამთავრა ბალანჩივაძის სახელობის მუსიკალური სასწავლებელი; 1921-1924წწ. სწავლობდა თბილისის სახელმწიფო უნივერსიტეტის ელექტრო-მექანიკურ ფაკულტეტზე; 1923 წელს სწავლობდა სახალხო განათლების კომისარიატთან არსებულ კინომსახიბოთა სკოლაში.

1931 წელს დამოუკიდებლად გადაიღო დოკუმენტური ფილმი “ნავთობის ხუთწლედის ბოლშევიკები”. დამდგმელი რეჟისორია ფილმების: “უდაბნო” (1932), “დავით გურამიშვილი” (1946), “ისინი ჩამოვიდნენ მთიდან” (1954), “შეწყვეტილი სიმღერა” (1960), “თოჯინები იცინიან” (1962), “ხევისბერი გოჩა” (1964), “განგაში” (1968), “ჩარი რამა”(1972), “მევლუდი” (1985) და სხვ.; სცენარის ავტორია ფილმების: “უდაბნო” (1932), “დავით გურამიშვილი” (1946), “ისინი ჩამოვიდნენ მთიდან” (1954), “შეწყვეტილი სიმღერა” (1960), “ხევისბერი გოჩა” (1964), “განგაში” (1968), “ჩარი რამა” (1972), “მევლუდი” (1985) და სხვ.; გადაღებულია ფილმებში: “წარსულის საშინელებანი” (1925), “მთის კანონი”(დოლგათი-ისმაილის მეგობარი, 1927), “უკანასკნელ საათს” (1929) და სხვ.

წყარო: ნიკოლოზ სანიშვილი – ბიოგრაფიული ლექსიკონი (nplg.gov.ge)