დაბადების თარიღი: 9 იანვარი, 1924
გარდაცვ. თარიღი: 20 ივლისი, 1990 (66 წლის ასაკში)

დაამთავრა საკავშირო კინემატოგრაფიის სახელმწიფო ინსტიტუტის სარეჟისორო ფაკულტეტი 1952 წელს.

1952-1973წწ. იყო კიევის ა. დოვჟენკოს სახ. კინოსტუდიის დამდგმელი რეჟისორი; 1982-1990წწ. მოღვაწეობდა კინოსტუდია “ქართულ ფილმში”; გადაღებული აქვს ფილმები: “მოლდავური ზღაპრები” (1951), “პირველი ჭაბუკი” (1953), “ანდრიუშა” (1954), “დუმკა” (1957), “ოქროს ხელები” (1957), “უკრაინული რაფსოდია” (1958), “ყვავილი ქვაზე” (1959), “დავიწყებულ წინაპართა აჩრდილები” (1964, პრიზები, პრემიები და დიპლომები მარ-დელ-პლატაში, რომში, კიევსა და სალონიკიში გამართულ საერთაშორისო კინოფესტივალზე, აგრეთვე ბრიტანეთის აკადემიის პრემია), “ბროწეულის ყვავილობა” (1968), “ამბავი სურამის ციხისა” (1984, დოდო აბაშიძესთან ერთად); პრიზები სიტხესში (ესპანეთი), როტერდამის (ნიდერლანდი), სან-პაულუს (ბრაზილის) საერთაშორისო კონფერენციაზე), “არაბესკები ფიროსმანის თემაზე” (1985; დიპლომი დასავლეთ ბერლინის საერთაშორისო კინოფესტივალზე, 1988), “აშუღი ქერიბი” (1988, დოდო აბაშიძესთან ერთად; ფილმი და თვითონ დაჯილდოვდა პრიზებით “ნიკე” (რუსეთი), ხოლო სტამბოლის საერთაშორისო კინოფესტივალზე ჟიურის სპეციალური პრიზით, 1989) და სხვა; 1990 წელს მსოფლიო კინემატოგრაფიაში დიდი დამსახურებისათვის პორტუგალიის ქ. პორტოში სპეციალური პრიზით დაჯილდოვდა; იყო რეპრესირებული; კინორეჟისორი.

წყარო: სერგო ფარაჯანოვი – ბიოგრაფიული ლექსიკონი (nplg.gov.ge)