დაბადების თარიღი: 6 მარტი, 1929 (96 წლის)

დაბადების ადგილი: ქ. თბილისი.

დაამთავრა შოთა რუსთაველის სახელობის თეატრალური ინსტიტუტის თეატრმცოდნეობის ფაკულტეტი 1950 წელს.

1956-1958წწ. მუშაობდა თბილისის მხატვრული შემოქმედების კულტ-საგანმანათლებო სასწავლებელში. 1958 წლიდან მოღვაწეობს ქდსპფ სტუდიაში. მუშაობდა ჟუჟუნა ლომიძესთან ერთად. არის მრავალი სამეცნიერო-პოპულარული ფილმისა და დოკუმენტური კინონარკვევის თანაავტორი, მათ შორის აღსანიშნავია: “ელადის ხელოვნება” (1965), “ქვაში ამეტყველებული საუკუნეები” (1968), “ვანის ნაქალაქარი” (1970), “ოქროს საწმისი” (1971), “ასე იქმნებდა მატიანე”(1972), “განახლებული მესხეთი” (1974), “წინანდალი”, “ივანე ჯავახაშვილი”, “წიგნი უპირველესი” (1975), “ილია ჭავჭავაძე” (1977), “კვირტები”, “უფლისციხე” (1981), “მთა მთიელებს” (1982), “დავით სარაჯიშვილი” (1984), “მეთუნეები”, “ქართული საჭურველი” (1986), “თავადი გრუზინსკი” (1987), “იყალთოური ორნამენტები” (1988), “აკაკი წერეთელი” (1990) და სხვ. გადაიღო კ/ჟ “საბჭოთა საქართველოს” და “პიონერის” რამდენიმე ათეული ნომერი. მიღებული აქვს საკავშირო კინოფესტივალის პრიზი ფილმისთვის “ოქროს საწმისი” (1971).

წყარო: იზოლდა შველიძე – ბიოგრაფიული ლექსიკონი