დაბადების თარიღი: 4 იანვარი, 1902
გარდაცვ. თარიღი: 14 დეკემბერი, 1980 (78 წლის ასაკში)
დაბადების ადგილი: ქ. ქუთაისი.
დაამთავრა ქუთაისის კლასიკური გიმნაზია 1921 წელს.
1923-1925წწ. სწავლობდა საქართველოს განათლების სახალხო კომისარიატის მიერ ჩამოყალიბებულ კინომსახიობთა სტუდიაში; 1924 წლიდან იღებდნენ კინოში; როლები: თედო ბიჭი (“ხანუმა”, 1926), ვერსაძე (“ახალგაზრდობა იმარჯვებს”, 1928), გელა (“მზაღო და გელა”, 1933), თედო (“ნარინჯის ველი”, 1937), არისტო (“მეგობრობა”, 1940) და სხვა; დამდგმელი რეჟისორია ფილმებისა: “მე ვიტყვი სიმართლეს” (1957), “განაჩენი” (1959), “უდიპლომო სასიძო” (1961), “ტარიელ გოლუა” (1968), “მხიარული რომანი” (1972), “ჩირიკი და ჩიკოტელა” (1975, რ. ხოტივართან ერთად) და სხვა; მისი რედაქციით გამოვიდა ფილმები “ჟუჟუნას მზითვი” (1965), “მამის მკვლელი” (1980) და სხვა; მიღებული აქვს სახელმწიფო ჯილდოები; კინორეჟისორი.