დაბადების თარიღი: 22 სექტემბერი, 1934
გარდაცვ. თარიღი: 19 ნოემბერი, 2011 (77 წლის ასაკში)

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამთო ფაკულტეტის გეოლოგიის განყოფილება 1959 წელს; მოსკოვის საკავშირო კინოინსტიტუტის სარეჟისორო ფაკულტეტი 1967 წელს.

1968 წლიდან მუშაობდა სატელევიზიო სტუდიაში ფილმების რეჟისორად; 1976-1978წწ. იყო კინოსტუდია “ქართული ფილმის” მულტიპლიკაციური ფილმების გაერთიანების სამხატვრო ხელმძღვანელი. იყო სცენარის ავტორი და რეჟისორი ფილმებისა: “საჯვარეობა” (1994, დოკუმენტური), “ლახტის გაკვეთილები” (1986, დოკუმენტური), “ინდი-მინდი” (1977, სიმღერა შვილიშვილებისათვის, სატელევიზიო მხატვრული ფილმი), “უსასრულობა” (1971, მოკლემეტრაჟიანი სატელევიზიო მხატვრული ფილმი), “მზის საათი” (მოკლემეტრაჟიანი მხატვრული ფილმი).

წყარო: ლერი სიხარულიძე – ბიოგრაფიული ლექსიკონი (nplg.gov.ge)