დაბადების თარიღი: 26 მარტი, 1931
გარდაცვ. თარიღი: 21 ივნისი, 1998 (67 წლის ასაკში)

დაბადების ადგილი: ქ. თბილისი.

სწავლობდა შოთა რუსთაველის სახელობის თეატრალური ინსტიტუტის სარეჟისორო ფაკულტეტზე. 1955 წლიდან მოღვაწეობს საქართველოს კინემატოგრაფიის სისტემაში; 1956-1960წწ. საქართველოს ტელევიზიის ლიტერატურული რედაქციის უფროსი და მუსიკალურ გადაცემათა რეჟისორი; 1960-1967წწ. კინოპროგრამათა რედაქციის უფროსი რეჟისორი; 1967-1969წწ. ლიტერატურულ გადაცემათა, 1969-1978წწ. სატელევიზიო დადგმების, 1978-1982წწ. სამეცნიერო-პოპულარული და სასწავლო პროგრამების, ხოლო 1982 წლიდან მუსიკალური პროგრამების მთავარი რეჟისორი. დამდგმელი რეჟისორია ფილმების: “დედის ხელი” (1959), “ფუნჯით ნათქვამი” (1960), “მღერის ბორჯომის ნაძვი”(1961), “ქალიშვილი და მზე” (1962), “მზე ჭიქაში” (1963), “სიმღერით ცხოვრებაში…” (დოკუმენტური, 1964), “აკადემიკოსი მუსხელიშვილი” (1966), “გმირი, ლექსი, სიმღერა” (დოკუმენტური, 1973); სცენარის ავტორია ფოლმების: “ფუნჯით ნათქვამი’ (1960), “მღერის ბორჯომის ნაძვი” (1961), “ქალიშვილი და მზე” (1962), “მზე ჭიქაში” (1963), “სიმღერით ცხოვრებაში…” (დოკუმენტური, 1964), “აკადემიკოსი მუსხელიშვილი” (1966) და სხვ.

წყარო: მერაბ ჯალიაშვილი – ბიოგრაფიული ლექსიკონი (nplg.gov.ge)