დაბადების თარიღი: 28 მარტი, 1955 (68 წლის)

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1978 წელს (მუსიკის თეორია), მოსკოვის სარეჟისორო უმაღლესი კურსები 1988 წელს.

1981-1992წწ. იყო საქართველოს ტელეფილმების სტუდიის რეჟისორის ასისტენტი და რეჟისორი; 1991-1992წწ. ტელეკომპანია “იბერვიზია”-ს რეჟისორი; 1998-2001წწ. ჟურნალ “თბილისი ფასთაიმი”-ს ჟურნალისტი და მარკეტინგის მენეჯერი; 2001-2002წწ. საქართველოს ტელივიზიაში, პროგრამა “ალიონი”, რუბრიკა “შოუბიზნესის სიახლეების” ავტორი და წამყვანი; 2002-2009წწ. ტელეკომპანია “იმედი”-ს პროდიუსერი, რეჟისორი (“არჩევანი თქვენ”, “პირველი ნაბიჯი”, “ბიზნეს კლასი”, “ნადიმი”, “თქვენი ექიმი”, “მე ვარ ქალი”); 2005-2006წწ. იყო გ. ზალდასტანიშვილის სახელობის თბილისის ამერიკული აკადემიის პედაგოგი (მუსიკის ისტორია); 2006-2007წწ. “იმედის საახალწლო ექსპრესის” საახალწლო გადაცემის ავტორი და რეჟისორი; 2010 წლიდან ჟურნალ “მუსიკის” ჟურნალისტი; კონცერტების რეჟისორი: პატრიარქის აღსაყდრების საიუბილეო ღონისძიება (2012), რუდოლფ ბარსაის 90 წლისთავისადმი მიძღვნილი(2014); სცენარისტი, რეჟისორი მხატვრული ფილმებისა: “ძილისპირული” (1983), “სამი ამბავი ტელეფონით”(1984), “ორშაბათი” (1988, სცენარი მ. კობაიძის), “ლუსტრაცია” (2002), დოკუმენტური ფილმები: “იაშვილების ოჯახი”(1985), “ამერიკული აკადემია თბილისში” (2005), “ჯი-პი-სის” სარეკლამო კლიპი (2006), “იმედი საქართველოისი”(2011). 1983 წელს სრულმეტრაჟიანი ფილმების ფესტივალზე (ქ. ტამპერე, ფინეთი) დაჯილდოვდა ჟიურის სპეციალური დიპლომით ფილმისთვის “ძილისპირული”, იგივე ფილმისთვის 1987 წელს თბილისის საერთაშორისო კინოფესტივალ “ამირანის” ჟიურის დიპლომი; 2012 წელს ბათუმის კინოფესტივალის ჟიურის მთავარი პრიზი “წმინდა ანდრიას ჯვარი” გადაეცა ფილმისთვის “იმედი საქართველოისი”.

წყარო: ნარგიზ გარდაფხაძე – ბიოგრაფიული ლექსიკონი (nplg.gov.ge)