დაბადების თარიღი: 8 აგვისტო, 1901
გარდაცვ. თარიღი: 4 იანვარი, 1943 (41 წლის ასაკში)

დაბადების ადგილი: სოფელი ობუჯი, წალენჯიხის რაიონი.

1919 წელს დაიწყო სწავლა თბილისის სახელმწიფო უნივერსიტეტის ფიზიკა-მათემატიკურ ფაკულტეტზე. 1922 წლიდან წერდა ლექსებს; 1923-1924წწ. მუშაობდა საბჭოთა სავაჭრო ფლოტში; 1924 წელს კოტე მარჯანიშვილმა მიიწვია იგი რეჟისორის ასისტენტად ფილმზე “ქარიშხლის წინ”; 1926-1927წწ. სერგო კლდიაშვილთან ერთად დაწერა სცენარი ფილმებისთვის “სამანიშვილის დედინაცვალი” და “გაფლანგვა”; 1927 წლიდან დაიწყო რეჟისორობა. პირველი ფილმი “გიული” მან ლეო პუშთან ერთად გადაიღო იმავე წელს. მის შემოქმედებაში მხატვრული თვალსაზრისით გამორჩეული ფილმი იყო ალექსანდრე ყაზბეგის ნაწარმოების მოტივებზე გადაღებული “ელისო”, რომელიც მან 1928 წელს გადაიღო. დამდგმელი რეჟისორია ფილმებისა: “გიული”(1927), “ელისო” (1928), “Двадцать шесть комиссаров” (აზ., 1933), “ნარინჯის ველი” (1937), “სამშობლო” (1939), “შავ მთებში” (1941), “ის კიდევ დაბრუნდება”(1943); სცენარის ავტორია ფილმებისა: “სამანიშვილის დედინაცვალი” (1926), “გიული” (1927), “გაფლანგვა” (1927), “ელისო” (1928), “Двадцать шесть комиссаров” (აზ., 1933), “ნარინჯის ველი” (1937), “სამშობლო” (1939).

წყარო: ნიკოლოზ შენგელაია – ბიოგრაფიული ლექსიკონი (nplg.gov.ge)