ოფიციალური სახელი: გიორგი მატარაძე
დაბადების თარიღი: 27 ივლისი, 1939
გარდაცვ. თარიღი: 22 იანვარი, 1993 (53 წლის ასაკში)
დაბადების ადგილი: ქ. თელავი.
დამთავრა შოთა რუსთაველის სახელობის თეატრალური ინსტიტუტის სამსახიობო ფაკულტეტი 1963 წელს და კინოფაკულტეტი (თ. აბულაძის და ი. კვინიკაძის სახელოსნო) 1979 წელს.
1963-1970წწ. მუშაობდა რუსთაველისა და 1970-1974წწ. მარჯანიშვილის სახელობის თეატრებში. მისი კინოდებიუტი შედგა მოკლემეტარაჟიანი ფილმით “გოლა” (1980). წარმატება მოუტანა ფილმმა “მოთხრობები სიყვარულზე” (1981). გადაიღო კომედიები: “ბანდიტი აგურის ქარხნიდან” (1983), “ყველაზე სწრაფები მსოფლიოში” (1985), დრამა “გამოცხადება” (1988) და ეკრანიზაცია “მოკვეთილი” (1992). როგორც მსახიობი მონაწილეობდა ფილმებში: “ჩაძირული ქალაქის მაძიებელნი”, (დ. აბაშიძე, 1972), “წკიპურტები” (რ. ესაძე, 1973), “სკაპენის ოინები” (გ. კალატოზიშვილი, მ. კალატოზიშვილი, 1984), “ბატონი ავანტურისტები”.