დაბადების თარიღი: 10 ივნისი, 1914
გარდაცვ. თარიღი: 17 ნოემბერი, 1977 (63 წლის ასაკში)

დაბადების ადგილი: ქ. ბორზია, რუსეთი

დაამთავრა ლენინგრადის კინოინჟინერთა ინსტიტუტი 1936 წელს.

მუშაობდა კინოკორესპონდენტად ასტრახანის ოლქში. 1939–1941წწ. იყო სტალინგრადის ოლქის კინოკორესპონდენტი. 1943 წლიდან მუშაობდა სამხედრო კორესპონდენტად. ამ წლებში მის მიერ გადაღებული მასალები შევიდა დოკუმენტურ ფილმებში: “ნოვოროსიისკის აღება”(1943), “ბერდიჩევის აღება”(1944), “ჩანჩიბაძის გვარდიული არმია”(1948). ასათიანმა თვისივე სცენარის მიხედვით დადგა და გადაიღო ფილმები: “მოგზაურობა ნეპალში”(1959), “ნადირობა ჯუნგლებში” (1960), “მსოფლიო ტაშს უკრავს”(1961), “ნაირსართულიანი ამერიკა” (1961), “ალჟირის დღიური”, “მაროკოელთა მიწა”, “საჰარა”(სამივე 1962), “რესპუბლიკის დაბადება”(1963), “მეხუთე კონტინენტის გზები”, “ურუგვაი”(ორივე 1964), “პარიზი… პარიზი”(1967), “ინკების ქვეყანაში”(1968), “მიუნხენი მეოთხედი საუკუნის წინ”(1969), “შვეიცარიული ნოველები”(1970), “ნილოსის სათავეებთან”(1972), “ესპანეთის ძიებაში”(1973), “ბასკთა ქვეყანაში”(1976) და სხვ. გიორგი ასათიანმა გადაიღო შემეცნებითი ხასიათის ფილმები: “აყვავებული საქართველო”(1957), “ბრიუსელი”(1958), “მაროკო”(1962), “უძველესი კულტურის ქვეყანა”(1963), “შეხვედრა საბერძნეთთან”, “ერთი დღე ბუენოს-აირესში(ორივე 1964). “ქვაში ამეტყველებული საუკუნეები”(1968), “საუკუნეთა წყვდიადის მიღმა”(1964), “ათასწლოვანი ბილიკებით”(1967), “საქართველო: ლეგენდები და სინამდვილე”(1970). მან გადაიღო საქართველოს ცეკვის სახელმწიფო დამსახურებული ანსამბლის ტრიუმფალური მოგზაურობა მსოფლიოს ქვეყნებში და ქართული კულტურის ძეგლები უცხოეთში. იგი იყო საქართველოს სამეცნიერო–პოპულარული და დოკუმენტური ფილმების სტუდიის სამხატვრო ხელმძღვანელი. მიღებული აქვს სახელმწიფო და საბრძოლო ჯილდოები, მათ შორის ლენინგრადის I საკავშირო კინოფესტივალზე მშვიდობის დაცვის საბჭოთა კომიტეტის პრიზი და დიპლომი – დოკუმენტური ფილმისთვის – “მეხუთე კონტინენტის გზები” (1964). დოკუმენტური კინოს რეჟისორი და ოპერატორი.

წყარო: გიორგი ასათიანი – ბიოგრაფიული ლექსიკონი (nplg.gov.ge)