დაბადების თარიღი: 2 ოქტომბერი, 1954
გარდაცვ. თარიღი: 16 ნოემბერი, 2007 (53 წლის ასაკში)
დაბადების ადგილი: სოფელი ჩოხი, დუშეთის მუნიციპალიტეტი.
დაამთავრა თბილისის სახელმწიფო თეატრალური ინსტიტუტი კინოსარეჟისორო ფაკულტეტი 1979 წელს.
1977 წლიდან მისი მოთხრობები იბეჭდება ჟურნალ-გაზეთებში; 1979 წლიდან იწყებს მუშაობას კინოსტუდია “ქართულ ფილმში” დამდგმელ რეჟისორად; 1980 წელს გამოიცა პირველი წიგნი “წერილი ნაძვებს” (1980); წიგნს წლის საუკეთესო პირველი წიგნის პრემია მიენიჭა; 1981 წლიდან წიგნი რუსულ ენაზე ითარგმნა. გამოცემული აქვს ლექსებისა და მოთხრობების კრებულები: “ბინდისფერი ხეობა” (1981), “თევზის წერილები” (1989), “შემინახე, დედაო მიწავ!” (1991), “სულეთის კიდობანი”, “არჩევნები სასაფლაოზე”; ლექსების კრებული “ბედი მდევარი”, მოთხრობების კრებული იტალიურ ენაზე “შავი არაგვი”, რომელიც ითარგმნა სხვა ენებზეც. რომანები: “მგელი” (1988), “მღდვლის ცოდვა” (1990), “ადამიანთა სევდა” (1984), “სულეთის კიდობანი”. გოდერძი ჩოხელს გადაღებული აქვს თექვსმეტი მოკლე და სრულმეტრაჟიანი ფილმი.