დაბადების თარიღი: 5 მაისი, 1936
გარდაცვ. თარიღი: 25 დეკემბერი, 2010 (74 წლის ასაკში)

დაამთავრა თბილისის სასოფლო-სამეურნეო ინსტიტუტის სატყეო ფაკულტეტი 1963 წელს და სცენარისტთა და რეჟისორთა უმაღლეესი კურსები მოსკოვში 1975 წელს.

მუშაობდა საქართველოს სატელევიზიო ფილმების სტუდიაში ადმინისტრატორად, ჯგუფის დირექტორად, უფროს რედაქტორად. მისი მონაწილეობით შეიქმნა სცენარები მხატვრული ფილმებისთვის: “თუში მეცხვარე” (ა. ჭიჭინაძესთან და ვ. სულაკაურთან ერთად/ს. ჩხაიძე, 1976), “ორმო” (გ. ჩირაძე, 1979), “ათოვდა ზამთრის ბაღებს” (დ. აგიაშვილთან ერთად/გ. ლევაშოვ-თუმანიშვილი, 1984), “კირილეს ოდისეა” (დ. ბათიაშვილი, 1985), “ოჰ, ეს საშინელი, საშინელი ტელევიზორი” (თ. ფალანდიშვილი, 1990), “შიში” (ზ. სავანელი, 1995), “ვეფხისტყაოსანი” ანუ კავკასიური მარყუჟი” (თ. ჩიხლაძე, 2005). დოკუმენტური ფილმები: “ექსპერიმენტი” (დ. აგიაშვილთან ერთად/გ. ლევაშოვ-თუმანიშვილი, 1979), “ოლენკა” (გ. გაბელაია, 1987), “იყო და არა იყო რა” (გ. გაბელაია, 1987) და სხვ. ანიმაციური ფილმები: “ტუსაღი” (ბ. შოშიტაიშვილი, 1984), “ყოფნა თუ…სმა?” (ბ. შოშიტაიშვილი, 1985), “ზამთრის ეტიუდი” (შ, ჭავჭავაძე, 1988), “ციკლი”(შ. ჭავჭავაძე, 1989), გადაღებულია ფილმებში: “გზის დასაწყისი” (ლ. ელიავა, 1982), “ახალგაზრდა კომპოზიტორის მოგზაურობა” (გ. შენგელაია, 1984, ბაქარ იტრიელი).

წყარო: დევი ივანოვ-ჩიქოვანი – ბიოგრაფიული ლექსიკონი (nplg.gov.ge)